Daniele 4:24 - Mawu a Mulluku

²⁴ “Nyu amwene, vano nngu sika ottaphullella wiwa. Nndda sika Mulluku Ooddullu asimikinzeeye wi ddineerewuumorellani.

Daniele 4:24 ပူးပေါင်းရင်းမြစ်များ

Masalimo 107:40

vaavo Apwiya yahaavevulla awaanyingallella, yaahollosa mu echipululu.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Yesaya 23:9

Apwiya Amasiva Mattheene sika yasimikizalle ddenndda wi emallihe okota waye ni waakitthiha athu attheene oovahiwa olemu a vatthimva.

Masalimo 148:6

Yaaddikeraatthiha wi ddikhalle wa enthawi yoohimalla, yaahiyavo lamulo nno ninaaworeye osintheya.

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

Yobu 20:29

Olla sika otulli onammorella muthu oochimwa, yoohallana ya wa Mulluku.”

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Miyambo 16:6

Ekaamba ya wiivelleella ni ororomelleya muthu aneerokhululukelliwa machimwaaye. Ekaamba ya owoova Apwiya annarapa ddoonanara.

Miyambo 20:28

Echifundo ni ororomelleya ddinnamuteteza mwene nave omwenaaye onnallipa ekaamba ya echilungamo.