Daniele 4:22 - Mawu a Mulluku

²² Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.

Daniele 4:22 ပူးပေါင်းရင်းမြစ်များ

2 Samuele 12:7

Natani aallota wa Davide wi, “Muthooyothi tti nyuwaano. Apwiya Mulluku a Israele, enallota wi, ‘Miyaano kahuuzoza wi okhalle mwene a Aisraele nave kahuuvullusa m'mattani mwa Saulo.

Yawuupullulla 18:5

Vawi machimwaaye yohuukellana ophiyera oddullu, nave Mulluku ohuupuwella mitteko ddaye ddoonanara.

Mateyu 14:4

Vawi Yohane aanamulleella Herode wi, “Khaddinaakhullelliwa ni malamulwaahu vawi weyaano woomutthella mwaara a mwanamunno olliyooyo ahinakhwe.”

Masalimo 108:4

Echikondaanyu yoohisintheya tti yuullupalli okhwaranya eddullu, ororomelleya wanyu onnaphiya omiraponi.

Masalimo 36:5

Nyu Apwiya, echikondaanyu yoohisintheya ennaphiya oddullu, ororomelleya wanyu onnaphiya m'miraponi.

2 Epilli 28:9

Koma waari namallotella a Mulluku nnddina naye Odedi. Olliye aaya wi akumane ni mulloko wakhoto wawiille o Samariya nave ahaalleella wi, “Apwiya Mulluku a makhollwaanyu yahaashella murima athu a o Yuda nave yahaavelleella m'mattani mwanyu koma moowiipha mwa owalli oyo ophiyalle oddullu.

Genesis 28:12

Muullohani ahoona makwelelo oovenyera vatthi ophiyera oddullu nave aawoonattho angelo ewellaka navettho ekitthaka vamakwelelonimvo.

Genesis 11:4

Vano yaallota wi, “Hankoni niimakelle weekhiihu muzinda ni nttattha noorekama ophiyera oddullu. Neera ddiiddo nineerovuwa wunchichi nave khanimwareyattho va ellapo yavatthi.”

Ezekiele 17:3

mi Apwiya kinallota wi, ‘Vaakhalla mpungu muullupalli a muuphello muullupalli ni enthenga ddoorekama ddamalembamalemba. Yaawa o Lebanoni ephareelle enthambi ya otthoka wa muteekho wa mukunguza.

Daniele 4:11

Muteekhooyo waavirellella wunnuwa mwamasiva. Etthokiiwa yaaphiya ooddullu ophiyera waanooneyella o ellapo yavatthi ettheene.

Daniele 4:21

Makukhwiiwa yaari ooreera, ezipaso ddiwa ddaari ddinchichi nave ddaari ddookwakhwanella ellapo yavatthi ettheene. Enama ddamuhakani ddaanakhalla mu muuthuuchiiwa nave epallame ddaanakhalla mu enthambi ddiwa.

Daniele 4:36

Vano ezeru ddaka ddaahokollweelliiwamo omwene ni masivaaka muullupalli yaahokollowa, wi wooneye wunnuwa wa omwenaaka. Enduna ddaka ni uullupalli a akhotwaaka yaakaakhella moohakallalla. Kaakeraatthihiwattho mu omwenaaka nave masivaaka yahoonjerereya okhwaranya khalle.

Yeremiya 27:5

‘Kaaphatusa ellapo yavatthi ni masivaaka ni ekophollo ddaka. Kahaaphatusa athu ni enama va ellapo yavatthi nave kinnayivelleella wa oyo kinamooneemi wi tti oophwanella.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Daniele 4:29

Ddimanlle miyeri khumi ni miilli, eeta vaddullu va enyumba ya omwene ya o Babiloni.