Daniele 4:19 - Mawu a Mulluku

¹⁹ Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Daniele 4:19 ပူးပေါင်းရင်းမြစ်များ

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Daniele 4:24

“Nyu amwene, vano nngu sika ottaphullella wiwa. Nndda sika Mulluku Ooddullu asimikinzeeye wi ddineerewuumorellani.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

1 Samuele 3:17

Vaavo aamukoha wi, “Apwiya yuulleelle tini? Ohinakhuwa erive ello. Apwiya yuullake mwawoonjerera wakhuwa ello emodda woohikilleella va nnddo yuulleelliiwa.”

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Daniele 7:15

Mi Daniele, kaakatamiheya m'maganizoni mwaka nave nnddo koonilleemi m'masomphenya ddaakoopiha.

Daniele 5:12

Muthooyo nnddina naye tti Daniele koma mwene aamuromolla wi Beliteshazara. Olliye ookhalla ni ezeru ddoowallamella, oodduwella ddeko navettho eeruso yoottaphullella olloha, annatthopoolla miyambi ni mawu ookhuweya. Vano mwiithaneni wi anilleelle ottaphullella wiwa.”

Daniele 2:26

Mwene aallota ni Daniele oyo aromolliwa Beliteshazara wi, “Ethiyo we ttuukilleella olloha waka ni ottaphullella wiwa?”

Daniele 1:7

Koma enduneeyo yahaavaha manddina mamodda monga Daniele nawi Beliteshazara, Hananiya nawi Shadrake, Mishaele nawi Meshaki nave Azariya nawi Abedenego.

Yeremiya 29:7

Mwaashaasheke murendelle o muzinda nko kawiikarelleniimiwo, wuukaporoni wi ddeko ddiweetellekeni phaama. Muddivekelleke mizindannddo wa Apwiya ekaamba yawi ddaakhallaka mwamurendelle nyuwaano muneerekokhallattho phaama.’

1 Mamwene 18:7

Voolendwaaye Obadiya aakumana ni namallotella Eliya. Obadiya aamudduwella nave aamukokhorella allota wi, “Ethiyo tti nyu apwiyaaka Eliya?”

1 Samuele 26:15

Davide aamukoha Abinere wi, “Ttaani ari mullopwana amasiva manchichi ookhwaranya weyaano mu Israele mutthemwene? Vano kaambiiwa tini ohinaatetezeewe apwiyaawo, mwene?” Naanweene vaava waawa muthu mmodda wenko wi awiiphe apwiyaawooyo.

1 Samuele 24:8

Vano nayeenettho Davide aakhuma amwiithana Saulo wi, “Apwiya, mwene!” Saulo amuwehille Davide aamuvaha olemu voowaramellani vatthi.

1 Samuele 1:15

Koma Hana aamwaakhulla wi, “Mi Apwiya ngimuwiryalle vinyo apaalle yoowirya yoowalli. Kinamoriwa ethakaraka yinchichi vawi kookhalla kinllellaka wa Apwiya ekaamba ya ethakaraka ddakanndda kivekellaka wa Apwiya waakuthullella ddookatamiha kiriimina.”

Eksodo 32:32

Koma vano pepaani mwaakhululukelle machimwiiwa. Mwaahaakhululukella, pepaani muvenyihemo nnddina naka munibukhuni mmo mwaalembilleenyu manddina a athwaanyu.”

Genesis 32:18

Weyaano waakhulle wi, ‘Ddenndda tti dda oorumeyellaanyu Yakobo nave anaddirumiha wa nyuwaano apwinnya wi ddikhalle emphaso. Olliyooyo ari mutulli mwahummu.’ ”

Genesis 31:35

Rakele ahaalleella attiitthinnya wi, “Attiitthi, muhinakishella murima ekaamba yawi ngiimenlle moovelleella olemu vamiitthoni vanyu. Miyaano ngiri phaama ekaamba kiri omweerini.” Sika Labani khaaphwanyille milluku ddayenndde.

Genesis 40:12

Yosefe ahaakhulla wi, “Ottaphullella wiwa wa ollohanngu tti wawi enthambi ddirarunnddo tti mallapo mararu.

Daniele 2:37

Nyu amwene, muri mwene a mamwene. Mulluku ooddullu ahuuvahani omwene, masiva mattheene, olamulello ni oriiheya.

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Daniele 5:19

Ekaamba ya masiva yavahiwiiwa, athu a ellapo ddittheddene, mitundu ddittheddene ni ellotello ddoohiyanahiyana yaanatthukumella vamiitthoni viwa ni owoova. Yapaalla omwiipha muthu yaanamwiipha yapaalla omuhiya ni okumi yaanamuhiya. Yapaalla omuwelliha muthu yaanamuwelliha nave yapaalla omukitthiha yaanamukitthiha.