Daniele 4:17 - Mawu a Mulluku

¹⁷ Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 4:17 ပူးပေါင်းရင်းမြစ်များ

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

1 Akorinto 1:28

Aatthoolla eyo eri yoohikhalla ni mutteko vamiitthoni va athu ni yoovevulliwa, eyo ehiri ello wi eerihe ohikhalla ni mutteko eyo athu eneesiiwa yookhalla ni mutteko.

Daniele 11:21

“Munipuroni mwaye muneerovollowa muthu oonyambuseya, oohiphwanella okhalla mwene. Olliye anaawe moorurumusa nave aneerewaakha omwenooyo moolleka.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Ezekiele 25:17

Kineerewaahokollosella ddoonanara mwawoopiha ni waallaka moowalli. Kaallaka ddiiddo eneerodduwella wi mi tti Apwiya.”

Ezekiele 7:24

Kineeroruma mitundu dda athu oonanara wunchichi wi yaakhe enyumba ddanyu. Kineeromalliha wiitukhulla wanyu wamasiva nave mapurwaanyu aweella eneeroripihiwa.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

1 Mamwene 21:25

Khaarivo naari mmodda iikullihalle vaweerani ddoonanara vamiitthoni va Apwiya wonanko Ahabu oyo akopiwe ni mwaariye Yezebele.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.

Yesaya 6:8

Vatulli viwa kahiiwa mawu a Apwiya awi, “Ethiyo kinaamurume aani? Ttaani anaayeewo munipuroni mwahu?” Nave kahaakhulla wi, “Kookhallavo, kirumeni miyaano!”

Masalimo 12:8

Athu oonanara emmoona weeteeta virive veko, athu ennatetheella ddoonanara ddiwa.

2 Epilli 28:22

Va enthawi ya ddookatamiha ddaye, Ahazi aavirellella ohiroromelleya wa Apwiya.

Aroma 13:1

Arive muthu iiwellelleke olamulello wa niboma kaambiiwa khuwaavo olamulello ohinavenyera wa Mulluku nave olamulello wa muttanoolla okeraatthihiwe ni Mulluku.

Masalimo 103:19

Apwiya aakeraatthiha mpandwiiwa woomwene oddullu, omweniiwa onnalamulella erive ello

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.