Daniele 4:13 - Mawu a Mulluku

¹³ Kaganizelleemi dda nnddo koonilleemi m'muruni mwaka kiri vabedini vaka, ngoonani, amithenga aweella yaakittha oddullu.

Daniele 4:13 ပူးပေါင်းရင်းမြစ်များ

Deuteronomo 33:2

Apwiya yaawa ovenyera o Sinai, yaakhumellella wa athwiiwa ovenyera o Seiri, yahooneya ovenyera o mwaango wa Parani. Angelo ooheerengeya yaathaananana, mallumi amunllo yaari m'mattani mwa Apwiya.

Daniele 8:13

Vano kaamwiiwa aweella allotaka nave aweella mmoddattho aamukoha allotooyo wi, “Ethiyo ddinaamalle niini ddinooneya m'masomphenyanndda? Ethiyo mikutho dda nllapo ni nllapo ddinaahiihiwe ophiyera niini? Ethiyo yoonanara yoottholloseella enaakhallevo ophiyera niini? Ethiyo enyumba yamallapello vamodda ni milloko ddakhoto ddooddullunnddo ddinaanyingallelliwa ophiyera niini?”

Daniele 7:1

Muyakha wawaamba wa Belishazara a o Babiloni, Daniele akonaatthille vabedini vaye aalloha, ahoona masomphenya. Sika aalemba ddoollohannddo, additthopoollella mwawiiweya phaama allota wi,

Yuda 1:14

Enoki, muthu a mbado waneetthanu ni piilli ovenyera va Adamu, aallotella dda yaalla wi, “Ngoonani! Apwiya eneeroowa ni angelwiiwa ooheerengeya.

Zekariya 14:5

Nyuwaano muneerothawa vooweellani mu ntapo nenno na variyari va mwaango. Muneerothawa wonanko mwathawelleenyu enthawi ya echivomezi va enthawi ya Uziya mwene a o Yuda. Vatulli viwa Apwiya Mullukwaanyu eneeroowa vamodda ni aweelliiwa attheene.

Daniele 4:23

Vanottho nyu amwene mwaamoona amithenga aweella akitthaka oddullu nave aallota wi, ‘Uhani muteekhooyo nave muwoononge. Koma muhiye nikoto ni misisi ddiwa muthayani nave munimake ni onyolo wamukoko ni mukuwa ni onihiya ohakani m'manasini. Muhiyeni anaane ni nikame nooddullu nave akhalleke vamodda ni enama m'manasini a ellapo yavatthi ophiyera vimanlle miyakha mitthanu ni miilli.’

Daniele 4:5

Kikonaka kaalloha ddawoopiha. Ddeko koonilleemi m'muruni mwaka kikonaatthille vabedini vaka ddaakoopiha wunchichi.

Masalimo 89:7

Mulluku sika anooviwa m'mutthukumanoni wa aweella, sika awoopiha waakhwaranya attheene oomwaapheella.

Yawuupullulla 14:10

amuwirye yeekha vinyo a Mulluku, vinyo oohisungunula a onanariwa waye nko ahenlleeye mu kapu a osha murima waye! Attheene eneera ddenndda eneerollakiwa ni munllo owaaka sulufure vamiitthoni va angelwaaye aweella ni mwaanaankhosa.

Luka 4:34

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Mateyu 25:31

“Mi, Mwaana a Muthu, kaawaka mu ntitimiho naka wonanko mwene ni angelo attheene, kineerokeraatthi vampandonaaka wantitimiho.

Daniele 7:23

Vano aakitthopoollella wi, “Yookumi yaneesese enattaphullella omwene waneesese oyo onooneye va ellapo yavatthi. Oneerohiyana ni moomwene mamodda nave oneerogonjiha ellapo yavatthi ettheene ni oyinyingallella nave aayinyenyanyenya.

Daniele 7:17

Aallota wi, “Ddookumi ddisese dduullupallinndde tti moomwene masese ayo enooneye va ellapo yavatthi.

Daniele 4:10

Nndda sika ddeko koonilleemi m'masomphenya kikonaatthille vabedeni vaka. Kahoona muteekho woorekama wiimenlle variyari va ellapo yavatthi.

Masalimo 103:20

Nyu angelwiiwa, amasiva oollipa, muniiwa mawiiwa, muneera nnddo enalamuliiwa, atitimiheni Apwiya!

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Yobu 12:24

Annawaakha odduwella oohoollella a ellapo yavatthi, annaweetiha swaswaswa muhakani.