Daniele 3:26 - Mawu a Mulluku

²⁶ Sika Nebukadinezara ahaatamella o mullako wa eng'anjo yamunllo iithana wi, “Shadrake, Meshaki ni Abedenego, oorumeyella a Mulluku Amasiva Mattheene, khumani! Waani wuno!” Nave Shadrake, Meshaki ni Abedenego yaakhuma muwari mwa munllommo.

Daniele 3:26 ပူးပေါင်းရင်းမြစ်များ

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Daniele 4:2

Ddookiddivella wi kuulleelleni dda ezizindikiro ni ddoottikhiniha nnddo Mulluku Ooddullu akoonihalleeye.”

Yawuupullulla 19:5

Nave mawu yaavenyera o mpando woomwene wooddullu oollota wi, “Aleluya! Oorumeyellaaye attheene a Mulluku ni athu attheene ayo enamoova olliye, uullupalli ni ang'onong'ono, emutitimihe!”

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

Mitteko 16:17

Aamuthwara Paulo ni hiyaano akhuwaka wi, “Athwaalla tti oomurumeyella Mulluku Muullupalli! Enallalleya wa nyuwaano mmo munaavulluselliweenyu!”

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Yesaya 52:12

Koma olendoolla khamutimulla mwawaakuva, khamutimulla moothawa. Apwiya eneeteke vahoollo vanyu, Mulluku a Israele aneereke wuutetezani otulli wanyu.

Yoswa 4:10

Allupa mukuthwaalle yahiimella variyaririyari va muhinje wa Yordani ophiyera ddimanlle ddittheddene Apwiya yamulamulalliiwa Yoswa wi aalleelle athu. Nndda tti ddennddo Mose amulleelleeye Yoswa. Vano athu yaallapuwa muhinje mwawaakuva.

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.

Mitteko 16:37

Koma Paulo aallota wa akhoto wi, “Yaanuukutha hiyaano athu yoonaka ehiniphwanyille ni mullatu naari niri Aroma!* Nave enihiyattho mundende. Vano enapaalla enikhumihe mwawiitta. Ddennddo khaddeereya! Attekweene a millatwaayo sika enaphwanella wi ewe wuno enikhumihe weekhiiwa.”

Daniele 6:20

Aatamenlle nlliti mwene ahiithana mweethakaraka wi, “We Daniele, oorumeyella a Mulluku Ookumi! Ethiyo Mullukwaawo onamurumeyelleewe moororomelleya enthawi ettheene oowora wuuvullusa o mikango?”

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Ezara 5:11

“Nave yaanaakhulla wi, ‘Hiyaano tti oorumeyella a Mulluku ooddullu ni ellapo yavatthi nave nirina omakattho enyumba eyo yamakiwe miyakha ddinchichi ddivirallennddo eyo mwene muullupalli a o Israele ayimakilleeye ni oyimalliha.

Genesis 14:18

Nave Melkizedeki,* mwene a o Salemu, mullupa mukutho a Mulluku Amasiva Mattheene, aawa wa Abramu amukusalle buledi ni vinyo.

Mitteko 27:23

Vawi mahiiyu a oddillo mungelo a Mulluku, Mulluku oyo kiriimi aaye ni oyo kinamullapelleemi, aakiweella,

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

1 Mamwene 8:51

Alliwa tti athwaanyu, yoohallanaanyu eyo mwayikhumihalleenyu o Iguputo, owaapulla mu eng'anjo yooviha.”

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Masalimo 66:12

Mwahaakhullella wi adani eninyingallelle, naavollowa m'munlloni ni m'maaddini komave mooniphiyiha onipuroni nawiithuuwella.

Daniele 6:21

Daniele aamwaakhulla mwene wi, “Nyu amwene, mukhalle ni okumi woorekama!