Daniele 2:5 - Mawu a Mulluku

⁵ Mwene aawaakhulla oollotella ddamuhoollo wi, “Kiganizalleemi moollipa murima tti yawi mwaahikilleella nnddo kallohilleemi ni ottaphullella wiwa, kinimuuphaddaphaddani nave enyumba ddanyu kinimadditthattusa matepe.

Daniele 2:5 ပူးပေါင်းရင်းမြစ်များ

Daniele 3:29

“Vano kinakeraatthiha lamulo nawi arive muthu a orive mutundu ni a erive ellotello amuvevulla Mulluku a Shadrake, Meshaki ni Abedenego aphaddiwephaddiwe nave enyumbaaye ekhalle ntepe. Khaavo mulluku mmodda oowora ovullusa mwawi ddiidda.”

Ezara 6:11

Nave kinalamulattho wi oyo ahinawiiwellelle, mugomba wa enyumbaaye oneerotthomolliwa nave aneerokhomelliwa vaavo nave enyumbaaye eneerotthattusiwa nddalla.

2 Mamwene 10:27

Sika yaakumulla nifano na Baala ni enyumbaaye eyitthattusa nddalla ophiyera ollello.

Masalimo 50:22

Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Daniele 2:12

Mwene iiwalle ddenndda aasha murima ni onanariwa wunchichi mwawi aalamula wi eezeru attheene a o Babiloni yiiphiwe.

Masalimo 58:7

Ahiyeni erimeelle wonanko maaddi oovira, mipaamba ddiwa ddaanyaallelle wonanko manasi makitthi.

1 Samuele 15:33

Koma Samuele aallota wi, “Nsupada nawo nooweeriha atthiyana wi ehikhalle ni anamwani. Emoddamoddave yeeyo amaayo khekhalla ni anamwani, moophwanaphwana ni atthiyana amoddaayo.” Vano Samuele aamwiipha Agagi amuphadda enthuli enthuli vamiitthoni va Apwiya o Giligala.

Deuteronomo 13:16

Mutthukumanihe ddawaakha ddittheddene dda athu a munipuronimmo nave muukelle variyari va nthato nuullupalli. Nave mushellellihe nipuronno vamodda ni ddittheddene ddookhalla mwemmo wi ddikhalle wonanko mukutho wooshellelliha wa Apwiya Mullukwaanyu. Nipuronno nikhalle ntepe wa enthawi yoohimalla nave vihiwe vimakiwattho.

Yoswa 6:26

Enthawi yeeyo Yoswa aallupella mowaatembelela wi, “Arive muthu oyo anaamakettho muzinda wa Yeriko atembeleliwa. Arive muthu oyo anaamake matthipellellwaaye, mwanaye awaamba aneerokhwa. Arive muthu anaamake millako ddaye, ethwakwaaye eneerokhwa.”

Daniele 4:9

Kaallota wi, “We Beliteshazara, muullupalli a amasenga, kinnadduwella wi ori ooddalliwa ni munepa wa milluku ddaweella nave onnadduwella ddawiipittheya ddittheddene. Iwa nnddo killohilleemi nave okittaphullelle.