Daniele 2:45 - Mawu a Mulluku

⁴⁵ Nngu sika ottaphullella wa nlluku nne moonilleenyu nakurumuwalle ovenyera omwaangoni, nihittannyiwe ni muthu nave ninyenya mukoko, mukuwa, olloko, siliva ni golide. Nyu amwene, Mulluku amasiva ohuudduwellihani ddamuhoollo. Ollohanngu tti woosimikizeya nave ottaphullellanngu tti wawoona.”

Daniele 2:45 ပူးပေါင်းရင်းမြစ်များ

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

Genesis 41:32

Nyu amwene Farao, voollohani opiilli ello emoddamoddave yeeyo, ddinasimikizella wi Mulluku sika akeraatthihalle ellweella nave aneereweera naanweene vaava.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Masalimo 48:1

Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

2 Samuele 7:22

Ddawoona, nyuwaano tti muullupalli, Apwiya Mulluku Amasiva Mattheene, moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

Deuteronomo 10:17

Vawi Apwiya Mullukwaanyu tti ookhwaranya milluku ddittheddene navettho tti owaakhwaranya apwiya attheene. Alliwa tti uullupalli, amasiva ni awoopiha, khenaweha ekhove nave khenaakhella ddamukaphwani.

Genesis 41:28

Vano wonanko killotelleemi, sika wi Mulluku oowoonihellani khalleve nnddo ddineereye.

Yawuupullulla 19:17

Nave kaamoona mungelo iimenlle vanndduwani. Aakhuwa ni mawu oowella wa epallame ddittheddene ddoovava wi, “Waawoni mutthukumane vamodda vamachellelloni muullupalli a Mulluku!

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Yawuupullulla 1:19

Vano onaphwanella wi olembe mu nibukhunna ddeko ddittheddene onooneewe, ddineereya owaakattho dda ddeko nnddo ddineereye muhoollo.

Luka 17:20

Afarisi* amodda yaamukoha Yesu wi, “Omwene wa Mulluku onaawe niini?” Vano aawaakhulla wi, “Omwene wa Mulluku khonooneya ni miittho.

Mateyu 24:35

Oddullu ni ellapo yavatthi ddineeromalla koma mawaaka khemalla.

Mateyu 21:24

Yesu ahaakhulla wi, “Mittho kineerewuukohani nikoho nimodda, mwakaakhulla, kineerewuulleellani wi kineera ddeko ddenndda ni olamulello wa aani.

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Daniele 2:24

Sika Daniele aaya wa Ariyoki oyo mwene amulamulalleeye wi awiiphe eezeru attheene a o Babiloni. Aamulleella wi, “Ohiwiiphe eezeru koma okivelleelle wa mwene nave kineeromuttaphullella olloha waye.”

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Masalimo 135:5

Vawi kinnadduwella wi Apwiya tti uullupalli, Apwiya aakhwaranya milluku ddittheddene.

Masalimo 96:4

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene.

Yobu 36:26

Ngoonani, Mulluku tti muullupalli, khannamudduwella naari vang'ono, miyakha ddaye khaddinadduwanyeya.

Nehemiya 9:32

Vano sika nyu Mullukwaahu tti Mulluku Amasiva Mattheene ni awoopiha, munnasunga echipangano ekaamba ya echikondaanyu yoohisintheya. Muhivevulle ddoohoosa nnddo ddinimorelle hiyaano, mamwenaahu, enduna ddahu, allupa mukuthwaahu, anamallotellaahu, makhollwaahu ni athwaanyu attheene ovenyera mu enthawi ya mamwene a o Asiriya ophiyera ollello.

Nehemiya 4:14

Koma kaaweha, kivenya nave killota wa athu oolamulella, owaahoollella ni athu amodda attheene wi, “Muhiwooveke. Upuwellani wi Apwiya tti uullupalli ni awoopiha navettho ennaawanella ekhoto abalaanyu, aniinyu, awarinyu ni enyumba ddanyu.”

1 Epilli 16:25

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Daniele 2:29

Nyu amwene, maganizo ayo yuuweelleni mukonaka yaari a ddeko nnddo ddineereye muhoollo. Mulluku awuupullulla ddoovittheya, ohuulleellani nnddo ddineereye muhoollo.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Genesis 41:26

Eng'ombe dditthanu ni piilli ddoonenevannddo tti miyakha mitthanu ni miilli. Navettho makalla a tirigu matthanu ni meelli oowaraalla phaamaayo tti miyakha mitthanu ni miilli. Ottaphullella wene tti omodda.

Masalimo 2:9

Oneerewaanyenya ni ekopwaawo ya mukoko ni waakhaddulla enyenyeri enyenyeri wonanko epalli.’ ”

Hagai 2:22

Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.