Daniele 2:41 - Mawu a Mulluku

⁴¹ Monga moonelleenyu wi manyallo ni eyaalla ddiwa ddaari ddoolloko woottakanyihera ni mukoko, sika wi omwenooyo onaakhalle wookawaneya. Komave oneerohalla ni masiva vang'ono ekaamba ya mukokoolle.

Daniele 2:41 ပူးပေါင်းရင်းမြစ်များ

Yawuupullulla 17:12

“Manyaka khumi woonilleewaayo sika mamwene khumi ayo ehinaambe olamulella nave eneerewaakhella olamulello wi elamulelle wa enthawi yooyeva vamodda ni enama yuullupalli yawoopiheeyo.

Yawuupullulla 13:1

Nave kahoona enama yuullupalli yawoopiha ekhumaka mu enyanja. Yaari ni manyaka khumi ni miru mitthanu ni miilli, va nirive nnyaka vaakhalla korona* ni va orive muru vaalembiwa nnddina noomweerella epewe Mulluku.

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Daniele 7:24

Manyaka khumi mamodda enooniha mamwene khumi ayo enaakhume mu omwene yoolla. Vatulli viwa vineeroowa mwene mmodda oohiyana ni mamwene mamodda akhalle. Olliye aneerewaagonjiha mamwene mararu.

Daniele 7:7

Vatulli viwa kahoonattho m'masomphenya a mahiiyu yookumi yaneesese. Yaari yawoopiha ni yootthukumelliha, yamasiva manchichi. Yaakhalla ni miino muullupalli amukoko nave yaanakhaddulla, ettakhuna vatulli viwa enyingallella ddoohalla ni manyallwiiwa. Yaahiyana ni ddookumi ddawaambanndde nave yaari ni manyaka khumi.

Daniele 2:40

Nave vineerowattho omwene omodda waneesese, woollipa wonanko mukoko. Wonanko mmo mukoko onaphwinyelliiwa ni onyenya erive ello, omwenooyo oneerophwinya ni waanyenya moomwene mamodda mattheene.

Daniele 2:42

Monga eyaalla dda omanyalloni ddakhallelliiwa ddoolloko woottakanyihera ni mukoko, sika wi omwenooyo onaakhalle mva voollipa, mva voohillipa.