Daniele 2:34 - Mawu a Mulluku

³⁴ Nyu muwehaka, nlluku naakurumuwa ovenyera omwaangoni nihittannyiwe ni muthu. Nahuukutha ni onyenya manyallo a mukoko ni a ollokwaalle.

Daniele 2:34 ပူးပေါင်းရင်းမြစ်များ

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Yesaya 28:16

Vano nndda sika ddinallota Apwiya Mulluku, “Ngoonani, kinnakeraatthiha nlluku mu Ziyoni wi nikhalle matthipello, naweesiwa, nlluku noopaalleya noowallamella mutengo. Nave vilembiwe wi, ‘Oororomella nllukunno khawa awulliwa muru.’

1 Petro 2:7

Nlluku nenna tti noopaalleya wunchichi wa nyuwaano ookhulupilila koma wa nyuwaano oohikhulupilila, “Nlluku nno nakhootiwe ni oomaka enyumba nenna naakhalla nlluku noopaalleya.”

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Masalimo 118:22

Nlluku nno nakhootiwe ni oomaka enyumba nenna naakhalla nlluku noopaalleya.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Mitteko 4:11

Dda Yesooyo mawu a Mulluku enallota wi, ‘Nlluku nno nakhootiwe ni oomaka enyumba nenna naakhalla nlluku noopaalleya.’

Yohane 1:13

Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

Yesaya 8:9

Nyu mitundu ddimodda dda athu tthukumanani mwawoova nave mutthukumelle. Nyu ellapo ddittheddene, iwesesani. Warani ddakhoto komave muneerokotholliwa. Ddawoona, warani ddakhoto komave muneerewinttakiwa.

Daniele 2:33

meto ddaari ddamukoko, manyallo yaari a mukoko woottakanyihera ni olloko.

Ezekiele 32:28

“Wettho Farao oneeronyenyeya nave oneerovitthiwa vamodda ni oohiphaddiwa ayo yiiphiwe vakhotoni.

Ezekiele 47:5

Aalingattho mamita 500 nave maaddi yaatthattuwa muhinje nave kaalephela ollapuwa vawi maaddaayo yaawella nave waari woowallamella wunchichi woopaalleya osambila voollapuwani.