Daniele 2:29 - Mawu a Mulluku

²⁹ Nyu amwene, maganizo ayo yuuweelleni mukonaka yaari a ddeko nnddo ddineereye muhoollo. Mulluku awuupullulla ddoovittheya, ohuulleellani nnddo ddineereye muhoollo.

Daniele 2:29 ပူးပေါင်းရင်းမြစ်များ

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Daniele 2:22

Annuupullulla ddeko ddoowallamella ni ddawiipittheya, annadduwella ddamwiipiphini, owala onakhalla ni olliye.

Ezekiele 38:10

“Mi Apwiya Mulluku kinallota wi, ‘Va nllapo nenno m'murimani mwawo muneeroowa maganizo oopaalla okhozekella weera ddoonanara.’

Genesis 41:25

Sika Yosefe aamulleella Farao wi, “Olloha opiillinngu onattaphullella ello emoddave. Mulluku oowoonihellani khalleve nnddo anaaweereeye.

Daniele 2:23

Nyu Mulluku a makhollwaaka, kinnuuthokozani ni wuutitimihani vawi mookivaha ezeru ni masiva.”

Daniele 2:45

Nngu sika ottaphullella wa nlluku nne moonilleenyu nakurumuwalle ovenyera omwaangoni, nihittannyiwe ni muthu nave ninyenya mukoko, mukuwa, olloko, siliva ni golide. Nyu amwene, Mulluku amasiva ohuudduwellihani ddamuhoollo. Ollohanngu tti woosimikizeya nave ottaphullellanngu tti wawoona.”