Daniele 2:22 - Mawu a Mulluku

²² Annuupullulla ddeko ddoowallamella ni ddawiipittheya, annadduwella ddamwiipiphini, owala onakhalla ni olliye.

Daniele 2:22 ပူးပေါင်းရင်းမြစ်များ

Yobu 12:22

Annuupullulla ddawiipittheya mwiipiphini, annatthattusa epiphi owala.

1 Yohane 1:5

Vano othenga niiwalleehu ovenyera wa Mwanaye Yesu Khrisitu nave ninawullalleyeehu tti wawi Mulluku sika owala nave mwa olliyooyo epiphi kheyaamo.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Daniele 2:11

Ello eyo enapaalla mwene tti yookatamihesesa. Khaavo anaawore owupullullellani koma millukuve nnddo ddinakhalla moorekamellana ni athu.”

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Aefeso 3:5

Khalle yoovittheya yeella kheyaadduwellihiwe wa athu koma vano Mulluku ohuupullulla wa amurummwa ni anamallotellaaye aweella oweella mwa Munepa.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yesaya 41:22

Muwe wuno munilleelle ddamuhoollo, mutthopoolleelle nthato ddakhallekhalle wi niddiganizere ni odduwella ddoothwarellella ddiwa apaalle munilleelle ddamuhoollo.

Masalimo 104:2

munniihuruwella ni owala wonanko mukanjo. Moottaphurusa eddullu wonanko ekuwo yamusasa,

Yobu 26:6

Vamiitthoni va Mulluku, ellapo ya ookhwa kheniipittheya, nipuro na woonongeya khannakhuneelleya.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Mateyu 13:13

Kinaallotella m'maphwanaphwanihoni kaambiiwa ennaweha koma khenoonesesa, enniiwa koma kheniiwesesa.

Daniele 5:14

Kohiiwa wi wookhalla ni munepa wa milluku ddaweella nave wi mwa weyaano mookhalla omolleella wiiwesesa ni ezeru ddoowallamella.

Yesaya 42:9

Ngoonani, ddeko kallotenlleeminndde ddoheereya, sika kineerewuulleellani ddeko ddanaanweene, kineerewuulleellani khalleve ddinooneye.”

Yesaya 41:26

Ttaani uupullunlle khalleve ddenndda wi hiyaano nidduwelle? Ttaani anilleelle khalleve ddenndda ddihineereye wi tti ddawoona? Khaavo naari mmodda addillotille, khaavo naari mmodda allalleyille apaalle iiwalle mawaanyu.

Genesis 41:16

Yosefe ahaakhulla wi, “Khe miyaano iyaayi koma Mulluku sika anaawore waattaphullella phaama amwene ddoollohanndda.”

Daniele 2:19

Vano yawiipittheyeeyo yahuupullullelliwa wa Daniele mu masomphenya a mahiiyu. Sika Daniele aamutitimiha Mulluku ooddullu.

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Deuteronomo 29:28

Apwiya yaasha murima wunchichi, yaananariwa nave moosha murima mwemmo yaahaavenyihamo mwiillaponi mwiwa ni waavokhella mwiillaponi yeelleto, nko eriiwawo ollello.’

Oollalleya 8:1

Ttaani anaaphwanaphwane ni muthu eezeru? Ttaani anaadduwelle ottaphullella ddeko? Ezeru ddaye ddinnamuhakallalliha nave ddinnawaliha ekhovaaye.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.