Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daniele 2:21 - Mawu a Mulluku

21 Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

အခန်းကိုကြည့်ပါ။ ကော်ပီ




Daniele 2:21
40 ပူးပေါင်းရင်းမြစ်များ  

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’


Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.


Oneerewiikarihiwa variyari va athu nave onaakhalleke ni enama ddamuhakani. Onaacheke manasi wonanko eng'ombe wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu, annaavelleella wa arive muthu moollikana ni mmo anapaallelleeye.”


Annaakitthiha mamwene vampandoni viwa, annaatthattusa a mundende.


Vano Mulluku aamuvaha Solomoni ezeru ni wiiwesesa wunchichi, ezeru ddaye ddaari ddoohikhalla ni malire.


Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.


Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.


Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.


Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.


Olliyoolla koomuvaha munepaaka mwawi ookhalla ni eruso, ezeru ni odduwella phaama mitteko ddittheddene ddeeruso monga


Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.


Mwaahikilleella ollohanko, ollakiwa wanyu tti omodda. Mohiiwanana wi mukilleelle ddawoottha kaambiiwa mwaganiza wi vavira enthawi ddeko ttuusintha. Sika killeelleni ollohanko nave kineerodduwella wi muneerowora ottaphullella.”


Nave Apwiya yuuvahe odduwella ni ezeru wi yuuvaha olamulello va Israele wi osunge malamulo a Apwiya Mullukwaawo.


Athu attheene a mu ellapo yavatthi yaanapaalla omoona Solomoni wi yiiwe ezeru ddaye, nnddo Mulluku aamuvahilleeye.


Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”


Viviralle miyakha, mamwene meelli oompoto ni oomwera eneerokeraatthiha mwiiwanano. Mwaana aamutthiyana a mwene oomwera aneerotthelliwa ni mwene oompoto wi ekeraatthihe murendelle. Koma omwenooyo khollekella vawi mwene ni mwaariye khellekella. Mutthiyanooyo, attiitthinnya, mamune, mwanaye ni oorumeyellaaye, attheene aneerovelleelliwa wa adani.


Mwemmo mwaalembiwa dda olamulellwaaye, dda masivaaye ni ddittheddene ddamweereyelle olliye ni Israele owaaka moomwene mattheene a ellapo ddimodda ddawaapheella.


Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi.


Sika mwene aawiithaniha athu eezeru oodduwella ddaweereya dda enthawi ddittheddene wi aakohe. Vawi mwene aanaddollweella waakoha athu odduwella malamulo ni echiweruzo.


Arive muthu iiwellelleke olamulello wa niboma kaambiiwa khuwaavo olamulello ohinavenyera wa Mulluku nave olamulello wa muttanoolla okeraatthihiwe ni Mulluku.


Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.


Olliye aallota wi, “Nnddina na Mulluku nititimihiwe wa enthawi yoohimalla, ezeru ni masiva ddittheddene tti ddaaye.


Nyu Mulluku a makhollwaaka, kinnuuthokozani ni wuutitimihani vawi mookivaha ezeru ni masiva.”


Muyakha waneeraru wa mwene Kirusi a o Persiya, Daniele oyo aromolliwa Beliteshazara ahiiwa mawu a othenga wawoona oollota dda ekhoto yuullupalli. Daniele ahiiwesesa othengooyo oonilleeye ddeko m'masomphenya.


Yaakhuwa wi, “Uhani muteekhooyo ni ophadda enthambi ddiwa! Vakaresani makukhwiiwa ni opwaramwasa ezipaso ddiwa. Enama ddamuhakani ddithawe vamuuthuuchini viwa nave epallame va enthambi ddiwa.


Nyu amwene, muteekhooyo tti nyeene vawi mootthattuwa muullupalli ni amasiva. Ottekweenaanyu woophiya oddullu, omwenaanyu woophiya o malire mattheene a ellapo yavatthi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ