Daniele 12:7 - Mawu a Mulluku

⁷ Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Daniele 12:7 ပူးပေါင်းရင်းမြစ်များ

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

Daniele 8:24

Masivaaye eneerewaatesesa nave aneerewoononga mwawoopiha. Aneeropambana va erive ello aneereeye. Aneerewoononga athu amasiva navettho athu aweella.

Yawuupullulla 13:5

Enama yuullupalli yawoopiheeyo yahaakhullelliwa wi ollotelleke epewe ni omuvevulla Mulluku nave yaavahiwa olamulello waweera ddiidda wa miyeri 42.

Yawuupullulla 12:6

Mutthiyanooyo aathawella ochipululuni, onipuroni nko Mulluku akhozilleeyewo khalle wi aweheriwewo wa mallapo 1, 260.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yesaya 62:12

Muneeroromolliwa oopatuliwa a Mulluku, athu awoopolliwa ni Mulluku. We Yerusalemu, oneeroromolliwa wi, “Muzinda Wookondiwa ni Apwiya, Muzinda Woohihiyiwa ni Mulluku.”

Deuteronomo 26:19

Mwawi ddiiddo mu othokoza, oriiheya ni ovuwa eneerewuuwellihani okhwaranya mitundu ddimodda ddittheddene dda va ellapo yavatthi nnddo yaddiphatusalliiwa nave muneerokhalla athwiiwa aweella moollikana ni mmo yalonjezelliiwa.”

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

Daniele 12:6

Mmodda aamukoha oowara ddabafuta oyo aari omwaako wa muhinje wi, “Ethiyo ddeko ddoottikhinihanndda ddinaamalle niini?”

Daniele 11:13

“Mwene oompoto aneerotthukumanihattho mulloko wakhoto muullupalli okhwaranya wawaamboolle. Vivinre miyakha, aneeroowa ni mulloko wakhoto muullupalli ni ezida ddakhoto ddinchichi.

Daniele 8:14

Mmoddooyo ahaakhulla wi, “Ddineereweereya otthaana ni mahiiyu wa mallapo 2,300. Vatulli viwa enyumba ya mallapello eneereweellihiwa wonanko khalle.”

Deuteronomo 32:40

Kinniimesa muwonwaaka muddullu, wi killupelle mu nnddina naka

Luka 21:14

Dduwellani, muhinakhupanya muhinaphiyewo wi munaaye mwallote tini wi mwiiteteze.

Yobu 27:2

“Vamiitthoni va Mulluku Ookumi oyo akaakhille echilungamo, vamiitthoni va Amasiva Mattheene oyo akivoriihalle murima,

Yawuupullulla 4:9

Ddoophatusiwa ddookumi ddisese ddinniipa machipo ootitimiha, ooriiha ni oomuthokoza oyo akeraatthille vampandoni woomwene, oyo arina okumi woohimalla. Vawiipani,

Yawuupullulla 4:10

attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

Ezekiele 20:5

Vatulli viwa waalleelle mawaaka awi, ‘Va nllapo nno kuutthoollilleemi we Israele, kaallupella wa edduullu dda Yakobo nave kaadduupullulla wa alliwa o Iguputo. Kaallupella kaalleella wi, “Mi tti Apwiya Mullukwaanyu.” ’

Daniele 10:5

Kitukhullalle miittho, kaamoona muthu awanre ddabafuta ni laamba a golide a o Ufazi muyuununi mwaye.

Daniele 12:8

Naari kiiwalle ddenndda komave ngiiweseselle. Sika kaakoha wi, “Nyu Apwiyaaka, ddenndda ddinaamalle mwawiidde?”

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Daniele 4:31

Mwene allotaka ddiidda, vahiiweya mawu oovenyera oddullu awi, “We mwene Nebukadinezara, iwa nnddo kinalloteemi. Omwenaawo woovenyihiwa m'mattani mwawo.

Daniele 7:21

Miyaano kiwehaka ddiiddo, nnyakanno naawana ekhoto ni athu aweella nave nahaagonjiha