Daniele 12:13 - Mawu a Mulluku

¹³ Koma we Daniele ollipihelle ettillaawo ophiyera mamallihello. Sika oneerokhwa koma oneerovenya wi waakhelle yoothuviwaawo va nllapo noomalliha.”

Daniele 12:13 ပူးပေါင်းရင်းမြစ်များ

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

Zekariya 3:7

“Apwiya Amasiva Mattheene eni, ‘Mwathwara ettilla ddaka ni wiiwellella malamulwaaka, muneerolamulella mu enyumbaaka nave muneerowehera mathatwaaka. Navettho kineerowaakhullellani wi mukhalle vamodda ni alla yiimenlle vamiitthoni vaka.

Daniele 12:3

Athu eezeru eneerowala wonanko muddullu. Nave ayo yaahoollelle athu anchichi mu ettilla ya echilungamo eneeronyezimella wonanko etheneeri wa enthawi yoohimalla.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Masalimo 16:5

Nyu Apwiya sika eyuumaaka ni yoohallanaaka, okumaaka ori m'mattani mwanyu.

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,

Masalimo 1:5

Ekaamba ya yeella, Mulluku aneerewaallaka athu oochimwa, khekhalla ni athu oolungama.

Daniele 12:4

“Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Eksodo 33:14

Nave Apwiya yaallota wi, “Mi kineerothaana ni weyaano nave kineerewuuvaha murendelle.”

Masalimo 16:9

Sika murimaaka onnahakallalla, muwariwari mwakammu kinnattaphuwa, okumaaka wookhalla ni murendelle.