Daniele 12:10 - Mawu a Mulluku

¹⁰ Anchichi eneeroddeelliha nave eneereweella, oohikhalla ni yooripiha. Koma oonanara eneerovirellella onanara. Khaavo naari mmodda mwa alliwa aniiwesese ddenndda koma yaayove eri ni ezeru eneerewiisesesa.

Daniele 12:10 ပူးပေါင်းရင်းမြစ်များ

Yawuupullulla 22:11

Oyo ari oohilungama avirellelle okhalla oohilungama navettho oyo ari ooripihiwa avirellelle wiiripiha ni ddoonanara, oyo ari oolungama avirellelle okhalla oolungama ni oyo ari aweella wi avirellelle okhalla aweella.”

Daniele 11:35

Amodda eezeru eneerewiiphiwa wi eweese, eweellihe ni waahuwa ophiyera enthawi yoomalliha vawi eneerophiya enthawi eyo Mulluku akeraatthihalleeye.”

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Yohane 8:47

Oyo anavenyera wa Mulluku anniiwa mawu a Mulluku. Koma nyuwaano khe oovenyera wa Mulluku sika ekaambiiwa muhiniiweenyu.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Luka 24:25

Vano Yesu aallota wi, “Athu ookarangeya nyu, mookhalla ni olesi voohikhulupililani ddittheddene yallotille anamallotella!

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.

Miyambo 1:5

Miyambonndda ddinnamoonjerera muthu eezeru odduwella nave ddinnamuhoollella muthu ohuddera phaama.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Daniele 11:33

Eezeru variyari va athwaayo eneerewaahuddiha ddinchichi akhwiiwa. Koma enthawi yeella eneerewiiphiwa ni nsupada ni munllo nave eneerophariwa ni waakhiwa.

Ezekiele 47:11

Koma m'maduvini ni m'mathiyani khamukhalla maaddi ooddiva, enaakhalle amwiinyu.

Yawuupullulla 19:14

Akhoto ooddullu yaamuthwara, ewenlle akavalo aweella nave ewanre ekuwo ddaweellesesa.

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Yawuupullulla 16:11

Nave yaamullotella epewe Mulluku Muullupalli ekaamba ya ovoreya wa makhwataayo. Koma kheyaahiyalle weera machimwiiwa.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Aheberi 12:10

Attiitthiihu a ellapo yavattheella yaananillaka wa enthawi yooyeva yoona wi tti woopaalleya wa alliwaayo. Koma Mulluku annanillaka wi ddinikavihere hiyaano wi nikhalle aweella wonanko olliye.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Mariko 4:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma amodda ayo ehiri a mullokwaahu, erive ello enahuddihiwa wa alliwaayo m'maphwanaphwanihoni.

Daniele 12:3

Athu eezeru eneerowala wonanko muddullu. Nave ayo yaahoollelle athu anchichi mu ettilla ya echilungamo eneeronyezimella wonanko etheneeri wa enthawi yoohimalla.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Masalimo 107:43

Oyo ari ni ezeru iiwesese ddenndda, athu eganizelle dda echikondi yoohisintheya ya Apwiya.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

1 Samuele 24:13

Athu akhalle yaallota wi, ‘Muthu oonanara mitteko ddaye tti ddoonanara.’ Sika miyaano nguuvoreyani iyaayi.

Malaki 3:3

Nave eneeroowa wi yeeruze wonanko aweeka ni oomweelliha siliva. Aneereweelliha edduullu dda Levi ni oweeka wonanko golide ni siliva sika wi evelleelleke mikutho ddoophwanellella wa Apwiya.