Daniele 11:6 - Mawu a Mulluku

⁶ Viviralle miyakha, mamwene meelli oompoto ni oomwera eneerokeraatthiha mwiiwanano. Mwaana aamutthiyana a mwene oomwera aneerotthelliwa ni mwene oompoto wi ekeraatthihe murendelle. Koma omwenooyo khollekella vawi mwene ni mwaariye khellekella. Mutthiyanooyo, attiitthinnya, mamune, mwanaye ni oorumeyellaaye, attheene aneerovelleelliwa wa adani.

Daniele 11:6 ပူးပေါင်းရင်းမြစ်များ

Daniele 11:13

“Mwene oompoto aneerotthukumanihattho mulloko wakhoto muullupalli okhwaranya wawaamboolle. Vivinre miyakha, aneeroowa ni mulloko wakhoto muullupalli ni ezida ddakhoto ddinchichi.

Daniele 11:40

Va enthawi yoomalliha mwene oomwera aneeromuhella ekhoto mwene oompoto. Koma mwene oompoto aneeromuthamakella moowalli wonanko ephevo yawoopiha ari ni magareta, athu oowella va akavalo ni esitima ddinchichi. Vano aneerovollowa mu ellapo ddinchichi ni waakwekweresa wonanko echigumula.

Daniele 11:15

Vano mwene oompoto aneerophiya ni waapheella muzinda ni mikhuttu ddakhoto nave aneerowuphara muzinda wampandooyo. Akhoto oomwera khellipa naari akhotwiiwa amasiva eneerolephela.

Daniele 11:7

Vatulli viwa mmodda a abale a mutthiyanooyo aneerovollowa omwene nave aneeromuhella ekhoto mwene oompoto. Aneeromugonjiha nave aneerovollowa mu muzindaaye.

Zekariya 11:16

Vawi kineeromukeraatthiha mbusa mwiillaponimmu, mbusa ahinapwatheke enkhosa ddoorimeella, ahinaashaasheke ddoohollowa apaalle ochiriha ddoorakalla ni ochiha ddookumi. Koma olliye anaakhallelleke ocha enama ya enkhosa ddooneneva ophiyera opwesa ni akokotokwiiwa.

Ezekiele 30:21

“We mwaana a muthu, kohinttaka nnatta na Farao mwene a o Iguputo. Khaavo animakille wi nichire nave khenihuruwelle ni ekuwo onillipiha wi nipharettho nsupada.

Masalimo 10:5

Muthu oonanara ddeko ddaye ddinnamweetella phaama erive enthawi. Khaniiwesesa echiweruzo ya Mulluku, annaanyemulla adanaaye.

Yobu 38:15

Owala wa otthaana khonaaphiyera athu oonanara, muwono wookhozekella ekuku onnaphaddiwa.