Daniele 11:4 - Mawu a Mulluku

⁴ Koma omwenaaye ori variyari, oneerewonongeya nave oneerokawaneya vasese. Khollapuwella o edduullu ddaye nave oovollowa munipuroni mwaye khekhalla ni masiva oollikana ni a olliye. Omwenaaye oneerotulliwa ni misisi ddene ni ovelleelliwa wa amodda ohiri wa alliwaalle.

Daniele 11:4 ပူးပေါင်းရင်းမြစ်များ

Daniele 8:22

Ollota dda nnyaka nookothowa nne munipuroni niwa vamenlle manyaka masese, sika wi mu omwenaayooyo muneerokhuma moomwene masese koma masiviiwa khellikana ni a omwene wawaamboolle.”

Daniele 8:8

Vano nankhoro a epuri ahaamba wiitukhulla wunchichi ekaamba ya masivaaye. Koma masivaaye yaphiyalliiwa vawaatesesa, nnyaka naye nuullupallinne naakothowa. Munipuroni mwiwa vaamella manyaka mamodda masese muullupalli ootthoonya o ephevo ddisese.

Yeremiya 12:17

Koma vaphwanyeya mutundu mmodda woohikiiwellella kineerowutthollosa.”

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Daniele 7:2

“Kahoona mu masomphenyaaka mahiiyu. Ngoonani, enyanja yuullupalli yaanyahulliwa ni ephevo ddisese ddamuddullu.

Yeremiya 18:7

Kachenjeza mutundu wa athu apaalle omwene wi kineerowukuha ni owoononga,

Yeremiya 12:15

Komave kaavenyihallevo kineeroweerellattho echifundo nave kineerohokollosella orive mutundu o yoohallaniiwa ni o ellapwiiwa.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Mateyu 12:25

Koma Yesu aadduwella maganizwiiwa nave aallota wi, “Orive omwene wakawaneya va weekhiiwa ni owana, khollekella omalla. Navettho etawoni erive ettheene naari nibanja nakawaneya va weekhiiwa ni owana khanillekella omalla.

Daniele 7:6

Vatulli viwa kiwehaka ddiiddo, kahoona yookumi emodda wonanko nanthavi eri ni muuphello masese eepallame vamutthanani viwa. Yookumi yeella yaari ni miru misese nave yaavahiwa masiva oolamulella.

Yeremiya 45:4

Apwiya aakilleella wi killote wa weyaano wi, “Eyo kamakilleemi, kinimayikumulla nave eyo kaallilleemi, kinimayitulla. Mmu sika kineerelleemi ni ellapo yavatthi ettheene.

Yeremiya 31:40

Ntapo nittheene mmo yatathillelliiwa mitembo ni ntuura navettho emata ddittheddene waambeella o muhinje wa Kidroni ophiya o Ekona ya Kavalo wookhuma nndduwa, ddittheddenennddo ddinaakhalle ddoopatuleya vamiitthoni va Apwiya nave khowa okumulliwattho apaalle woonongiwa.”

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Yawuupullulla 7:1

Ddimallille ddenndda kahoonattho masomphenya a angelo asese yiimenlle va makona masese a ellapo yavatthi. Yaari ephanre ephevo ddisese wi ddihoope va ellapo yavattheella apaalle va enyanja naari va orive muteekho.

Yeremiya 49:36

Kineerorumiha ephevo ddisese va athu a o Elamu ovenyera o ezigawo ddittheddene ddamuddullu. Kineerewaapallallesella o ephevo ddisesennddo nave khavikhalla ellapo nko ohinaaphiyeweewo.

Ezekiele 37:9

“Vano Apwiya yaakilleella wi, ‘We mwaana a muthu, llotella nave olleelle mpweya mawu a mi Apwiya Mulluku wi we mpweya, ngawa wuno ovenyera o embali ddisese ddittheddene, ovollowe mwa athu awiiphiwaalla wi ekhallettho akumi.’

Zekariya 2:6

Apwiya enallota wi, “Venyani, venyani! Thawani o ellapo ya ompoto. Valle kahuupallallesellani wonanko ephevo ddisese muddullu.

Zekariya 6:5

Olliye aakaakhulla wi, “Ddenndda ddinattaphullella ephevo ddisese ddoovenyera vamiitthoni va Apwiya a ellapo yavatthi ettheene.”