Daniele 11:36 - Mawu a Mulluku

³⁶ Mwene oompoto aneereweera ddoopaalla ddaye nave aneeroddunnuwiha ni oddeesa muullupalli okhwaranya milluku ddittheddene naari Mulluku a milluku. Ddittheddene ddineeromweetella phaama ophiyera enthawi eyo Mulluku anaamullakeeye moowalli ekaamba yawi nnddo ddisimikiziwe ddineereweereya.

Daniele 11:36 ပူးပေါင်းရင်းမြစ်များ

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Daniele 8:19

Vano aakilleella wi, “Kineerewuulleella nnddo ddineereye wamalla osha murima vawi ddenndda tti dda enthawi yoomallihella.

Deuteronomo 10:17

Vawi Apwiya Mullukwaanyu tti ookhwaranya milluku ddittheddene navettho tti owaakhwaranya apwiya attheene. Alliwa tti uullupalli, amasiva ni awoopiha, khenaweha ekhove nave khenaakhella ddamukaphwani.

Daniele 11:16

Sika mudani oompotooyo aneereweera ddoopaalla ddaye vawi khaavo anaallipanena. Aneerokeraattheya mu ellapo yooreeresesa nave ddittheddene ddinaakhalle m'mattani mwaye.

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Yesaya 14:13

M'murimani mwawo waallipihella ddoowella oddullu wi wakeraatthihe mpandwaawo wa omwene vaddullu va etheneeri dda Mulluku wi wakhalle va mwaango wa ompoto nko onatthukumana milluku ddittheddene.

Yawuupullulla 10:7

Nave mungelo aneetthanu ni piilli oopa nipallapata naye, vano Mulluku aneerokwakhwaniha yoolingaaye yoovittheya ollikana ni nnddo allotilleeye mwa oorumeyellaaye, anamallotella.”

Yesaya 10:25

Osha murima waka ohanlle vang'ono omalla va nyuwaano koma kineerewaananariwella alliwa ophiyera kiwoonongille.

Masalimo 136:2

Muthokozeni Mulluku a milluku, echikondaaye yoohisintheya tti ya enthawi yoohimalla.

Yawuupullulla 17:17

Vawi Mulluku ohaavaha mamwenaalla murima woopaalla weera yoolingaaye vawiiwananani ovelleella masiviiwa ni olamulellwiiwa wa enama yuullupalli yawoopiha ophiyera mawaaye ekwakhwanihiwe.

Yawuupullulla 17:3

Munepa Waweella aakihoollella nave mungelo aakikusa akiyaana ochipululuni. Wenko kaamoonawo mutthiyana akeraatthille vatulli va enama yuullupalli yawoopiha yoofiira. Yaalembiwa manddina vamwiillini viwa vatthevene oomullotella epewe Mulluku. Enama yuullupalli yawoopiheella yaari ni miru mitthanu ni miilli owaaka manyaka khumi.

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

Mitteko 4:28

Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Yohane 5:30

“Nginawora weera ello miyaano meekhaaka. Kinaweeruza moollikana ni mmo Attiitthaaka yakilleellelliiwa, sika echiweruzwaaka eri yawoona kaambiiwa ngineera nnddo kinapaalleemi koma ddennddove anapaalla oyo aakirumalle.

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Daniele 11:3

Koma o Griki oneerokhuma mwene mmodda oyo anaalamulelle mwamasiva nave aneereweera ddoopaalla ddaye.

Daniele 8:4

Kaamoona nankhoro a enkhosooyo akhuddullaka embali ya wookhuma nndduwa, yoompoto ni yoomwera. Khavaari enama emodda yoowora ollipanana nave khaarivo oowora waakiha ello wa olliye. Sika aaneera ddoopaalla ddaye ni wooniha masivaaye mwawiitukhulla.

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Yesaya 46:10

Khalle kaavallallella ollota ddeko nnddo ddihineereye, kahuupullulla khalleve nnddo ddaari ddihinooneye. Kaallota wi, ‘Maganizwaaka khelephela, kineereweera ddoopaalla ddaka ddittheddene.’

Yesaya 26:20

Athwaaka, vollowani mpa mwanyu nave mwiiwallelle. Mwiipitthe vang'ono ophiyera osha murima wa Apwiya omanlle.

Miyambo 19:21

M'murimani mwa muthu ttuukhalla ddooganiza ddinchichi koma yoolinga ya Apwiya sika onaakwakhwanihiwe.

Masalimo 33:10

Apwiya ennatthattusa ddoohikhalla ni mutteko, ddoolinga dda athu a mitundu, maganizwiiwa mattheene ennaatthattusa oohikhalla ni mphuro.

Yoswa 22:22

“Mulluku Amasiva Mattheene tti Apwiya. Mulluku Amasiva Mattheene tti Apwiya. Annadduwella nave Aisraele eneerodduwella naarimi naavaanyihaka apaalle naachimwellaka Apwiya

2 Atesalonika 2:3

Muhaakhullelle wi muthu mmodda awoottottheni mu erive ettilla. Vawi nllapo nenno nihinaphiye, onaakhalle omuwukila Mulluku navettho muthu Oonanaroolle aneerewuupulluwa, oyo anoonongiwe.

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Yawuupullulla 13:1

Nave kahoona enama yuullupalli yawoopiha ekhumaka mu enyanja. Yaari ni manyaka khumi ni miru mitthanu ni miilli, va nirive nnyaka vaakhalla korona* ni va orive muru vaalembiwa nnddina noomweerella epewe Mulluku.

Ezekiele 35:13

Kahiiwa ddoovevulla nnddo mwallotilleenyu mwawiitukhulla, kahiiwa ddittheddene ni maarwaaka.

Daniele 5:19

Ekaamba ya masiva yavahiwiiwa, athu a ellapo ddittheddene, mitundu ddittheddene ni ellotello ddoohiyanahiyana yaanatthukumella vamiitthoni viwa ni owoova. Yapaalla omwiipha muthu yaanamwiipha yapaalla omuhiya ni okumi yaanamuhiya. Yapaalla omuwelliha muthu yaanamuwelliha nave yapaalla omukitthiha yaanamukitthiha.

Daniele 5:20

Koma yaambilliiwa wiitukhulla, wunnuwa murima ni wiiddivella, yaakitthihiwa va mpandwiiwa woomwene ni waakhiwa olemwiiwa.

Daniele 11:37

Mwenooyo aneerovevulla milluku dda makhollwaaye navettho mulluku ookondiwa ni atthiyana. Khapwatha dda arive mulluku kaambiiwa aneerewiitukhulla waakhwaranya attheene.

Yesaya 10:5

Apwiya enallota wi, “Otulli wa mwene a o Asiriya vawi olliye ari wonanko muwashullo wa osha murima waka ni ekopo ya owallaaka.

Yesaya 10:23

Ddawoona, Apwiya Mulluku Amasiva Mattheene eneerewoononga ellapo ettheene wonanko mmo alamulelleeye.

Yesaya 14:14

Navettho waaganiza wi oneerowella vaddullu va mirapo wi ophwanaphwane ni Amasiva Mattheene.

Yesaya 30:33

Nipuro nawoosella ddeko tti nookhoziwa khalle nno yamukhozelliiwa mwene a o Asiriya. Nipuronno tti noowallamella ni nuullupalli nooddalla ni ekhuni. Sika mpweya wa Apwiya wookhalla wonanko muhinje wa sulufure, oneerokhariha munllooyo.

Yesaya 57:9

Munniihella makhura ni ddawunkhella ddinchichi nave munnaya woollapella nifano na Moleki. Munnaaruma amithenga naari o ellapo ya ookhwa.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Zekariya 11:16

Vawi kineeromukeraatthiha mbusa mwiillaponimmu, mbusa ahinapwatheke enkhosa ddoorimeella, ahinaashaasheke ddoohollowa apaalle ochiriha ddoorakalla ni ochiha ddookumi. Koma olliye anaakhallelleke ocha enama ya enkhosa ddooneneva ophiyera opwesa ni akokotokwiiwa.