Daniele 11:31 - Mawu a Mulluku

³¹ Akhotwaaye eneeronanariha enyumba ya Mulluku ni mpanda woollipa nave eneerohiiha mikutho ddooshellelliha dda nllapo ni nllapo. Wenko eneerewiimesawo Yoonanara Yawoononga.

Daniele 11:31 ပူးပေါင်းရင်းမြစ်များ

Daniele 12:11

Ovenyera enthawi eyo mikutho dda nllapo ni nllapo ddinaahiihiwiiwa nave Yoonanara Yawoononga enaakeraattheyiiwa, vinaavire enthawi wonanko mallapo 1, 290.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Mariko 13:14

“Vano muneerewoona ‘Yoonanara Yawoononga’ yiimenlle mu nipuro noohiphwanella wi yimellevo (Oyo aneerenga mawaalla iiwesese ottaphullella wiwa.) Vano ayo eri o Yudeya ethawelle omiyaangoni.

Yawuupullulla 17:12

“Manyaka khumi woonilleewaayo sika mamwene khumi ayo ehinaambe olamulella nave eneerewaakhella olamulello wi elamulelle wa enthawi yooyeva vamodda ni enama yuullupalli yawoopiheeyo.

Luka 21:20

“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella.

Daniele 8:26

Nndde woonilleewe dda otthaana ni mahiiyu tti ddawoona. Koma osunge moovittheya ddenndda vawi vineerovira mallapo ddihineereye.

Daniele 8:24

Masivaaye eneerewaatesesa nave aneerewoononga mwawoopiha. Aneeropambana va erive ello aneereeye. Aneerewoononga athu amasiva navettho athu aweella.

Ezekiele 9:7

Vano Apwiya yaallota wi, “Ripihani enyumbaaka nave ddallihani mathatwiiwa ni mitembo. Khaweni!” Sika yaayaawo yawiipha athu m'muzindanimmo.

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yeremiya 7:30

“Apwiya enallota wi, ‘Athu a o Yuda aheera ddoonanara vamiitthoni vaka, ahiimesa mafanwiiwa oonanara mu enyumba ella enadduwanyeya ni nnddina naka nave aayiripiha.

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*