Daniele 11:21 - Mawu a Mulluku

²¹ “Munipuroni mwaye muneerovollowa muthu oonyambuseya, oohiphwanella okhalla mwene. Olliye anaawe moorurumusa nave aneerewaakha omwenooyo moolleka.

Daniele 11:21 ပူးပေါင်းရင်းမြစ်များ

Daniele 11:34

Athwaayo yaahoosiwaka ddiiddo amodda eneerewaakavihera koma anchichi ookaviheraayo enaakhalle oolleka.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Nahumu 1:14

Nyu a o Ninive, Apwiya aalamula wi, “Khamuwa mukhallaka ni edduullu ddooromolliwa nnddina nanyu. Kineerewoononga mafano oosema ni awoopa mu enyumba ya milluku ddanyu, kineerewuukatellani mahame vawi khamunna mutteko.”

Daniele 11:32

Mwenooyo aneerewaalleka ni waakopa athu oovevulla echipangano yaweella. Koma athu oomudduwella Mullukwiiwa eneerollipihella nave eneeromukhoota olliye.

Daniele 11:20

“Vatulli va mwene yoolla vineerewooneya mwene mmodda oyo anaarume ookhomiha musonkho wi eyuuma ya omwenaaye yaate. Koma viviralle mallapo vang'ono mwenooyo aneerewiiphiwa ohiri moowalli apaalle vakhotoni.”

Daniele 11:7

Vatulli viwa mmodda a abale a mutthiyanooyo aneerovollowa omwene nave aneeromuhella ekhoto mwene oompoto. Aneeromugonjiha nave aneerovollowa mu muzindaaye.

Daniele 8:23

Nave vamamallihello va moomwenaalla, machimwiiwa yaatillesese vineerewooneya mwene awumma murima, oochenjera wunchichi.

Daniele 8:9

Va nimodda mwa manyakaayo vaamella nnyaka ning'onong'ono nno nunnuwalle wunchichi nitthoonya omwera ni wookhuma nndduwa navettho o ellapo yooreeresesa.

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Yesaya 32:5

Ookarangeya khavahiwa olemu nave oolleka khariiheya.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

Masalimo 12:8

Athu oonanara emmoona weeteeta virive veko, athu ennatetheella ddoonanara ddiwa.

1 Samuele 3:13

Koomuchenjeza Elooyo wi kiri vakhuviru omullaka ni nibanja naye nittheene wa enthawi yoohimalla ekaamba ya ddoonanara nnddo yakeerelliiwa. Eli aanadduwella koma khaavaanyiha.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’