Daniele 11:12 - Mawu a Mulluku

¹² Mulloko wakhotoolla ophariwe, mwene oomwerooyo aneerewaamba wiitukhulla ekaamba ya opambana waye nave aneeroowiipha athu ooheerengeya komave opambananko khovirellella.

Daniele 11:12 ပူးပေါင်းရင်းမြစ်များ

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Timoteo 3:6

Akhalle oowaraalla mu echikhulupililo wi ahiitukhulleke woova wi anaallakiwe wonanko mmo Satana aallakelliweeye.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Ezekiele 28:17

Waaniitukhulla ekaamba ya oreera wawo, waananariha ezeru ddawo ekaamba yoopaalla okhalla oovuwa. Vano kahuuvokhella vatthi wi okhalle echisanzo wa mamwene mamodda.

Ezekiele 28:5

Waaruuwiha eyuumaawo ekaamba ya ezeru ddawo ddooweetihella malonda nave oniitukhulla ekaamba ya eyuumaaweeyo.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Miyambo 16:18

Okota onnahoollella woonongeya nave wiitukhulla onnawiiha omora.

2 Epilli 32:25

Koma Hezekiya kheerille ddaphaama moollikana ni mmo Apwiya yamweerilliiwa vawi aari ni murima wawiitukhulla. Sika Apwiya yaamushella murima ni athu a o Yuda ni Yerusalemu.

2 Epilli 26:16

Koma masiva a Uziya yunnuwalle ahaamba wiitukhulla nave aallakiwa. Khaawiiwellelle wa Apwiya Mullukwaaye voovollowani m'musasani wa Apwiya wi oose lubani* vanikuwani nawoosellavo.

2 Epilli 25:19

Ddawoona, we woomugonjiha Edomu nave vano onimiitukhulla. Itthamalleke ni opambana wawonko koma vano okhalle owaninyu wenko. Kaambiiwa tini onapaalleewe ottatthamulla ddookatamiha mwaphudda? Phaamathi oneeromora we ni athu a o Yuda.”

2 Mamwene 14:10

Ddawoona, we woomugonjiha Edomu nave vano onimiitukhulla. Itthamalleke ni opambana wawonko koma vano okhalle owaninyu wenko. Kaambiiwa tini onapaalleewe ottatthamulla ddookatamiha mwaphudda? Phaamathi oneeromora we ni athu a o Yuda.”

Deuteronomo 8:14

muhiitukhulleke ni waatiwalla Apwiya Mullukwaanyu ayo yuukhumihalleni wuukaporoni o Iguputo.

Daniele 11:11

Sika mwene oomwera aneerokhuma moonanariwa wi awane ekhoto ni mwene oompoto vamodda ni mullokwaaye wakhoto wawaata wunchichi nave aneerowugonjiha.

Daniele 11:13

“Mwene oompoto aneerotthukumanihattho mulloko wakhoto muullupalli okhwaranya wawaamboolle. Vivinre miyakha, aneeroowa ni mulloko wakhoto muullupalli ni ezida ddakhoto ddinchichi.