Daniele 11:11 - Mawu a Mulluku

¹¹ Sika mwene oomwera aneerokhuma moonanariwa wi awane ekhoto ni mwene oompoto vamodda ni mullokwaaye wakhoto wawaata wunchichi nave aneerowugonjiha.

Daniele 11:11 ပူးပေါင်းရင်းမြစ်များ

Daniele 8:7

Kaamoona allipanaka moowalli ni enkhoseeyo, aayikhuddulla ni winttaka manyakiiwa meellaalle. Nankhoro a enkhosoolle khaallipalle mwawi nankhoro apuroolle aamukuha amunyingallella. Khaarivo awi ttuumuvullusa nankhoro a enkhosa.

Daniele 11:5

“Vano mwene oomwera aneerokhalla ni masiva. Koma mmodda a enduna ddaye aneeromukhwaranya masiva nave olamulellwaaye oneerewunnuwa wunchichi.

Daniele 11:44

Koma epilli yoovenyera wookhuma nndduwa ni ompoto eneeromoopiha nave aneerotimulla ashille murima wunchichi wi oononge ni waatthollosa athu anchichi.

Daniele 2:38

Aahiya m'mattani mwanyu athu, enama ni epallame wi mulamulelleke ddittheddenennddo orive weko ddinakhalliiwa. Muru wa golidoolle tti nyuwaano.

Yeremiya 27:6

Vano koovelleella ellapo ddittheddenenndda vamodda ni enama ddittheddene ddamuhakani wi ddimurumeyelleke Nebukadinezara murummwaaka, mwene a o Babiloni.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

1 Mamwene 20:28

Muthu a Mulluku aawa wa Ahabu mwene a o Israele amulleella wi, “Apwiya enallota wi, ‘Vawi Asiriya eni Apwiya tti mulluku a miyaango ohiri a matapo, kineerovelleella mulloko muttheenoolla wa weyaano nave oneerodduwella wi mi tti Apwiya!’ ”

1 Mamwene 20:13

Enthawi yeeyo namallotella mmodda aawa wa Ahabu, mwene a o Israele, amulleella mawu a Apwiya wi, “Ethiyo onnoona mulloko wakhotoolla? Ngoona, kineerovelleella mullokoolla m'mattani mwawo ollello vaava. Nave oneerodduwella wi mi tti Apwiya.”

Daniele 11:12

Mulloko wakhotoolla ophariwe, mwene oomwerooyo aneerewaamba wiitukhulla ekaamba ya opambana waye nave aneeroowiipha athu ooheerengeya komave opambananko khovirellella.

Daniele 11:40

Va enthawi yoomalliha mwene oomwera aneeromuhella ekhoto mwene oompoto. Koma mwene oompoto aneeromuthamakella moowalli wonanko ephevo yawoopiha ari ni magareta, athu oowella va akavalo ni esitima ddinchichi. Vano aneerovollowa mu ellapo ddinchichi ni waakwekweresa wonanko echigumula.