Daniele 10:2 - Mawu a Mulluku

² Mallapo yaayo, miyaano Daniele kahinlla wa milungu miraru ddamututha.

Daniele 10:2 ပူးပေါင်းရင်းမြစ်များ

Nehemiya 1:4

Kiiwalleemi mawu yaalla, kaakeraatthi kininlla. Kahinlla nave kaahalla ocha* wa mallapo manchichi nave kaavekella wa Mulluku ooddullu.

Yawuupullulla 11:5

Muthu apaalla wi aaphoriihe, munllo onnakhuma muwano mwiwa owoononga adaniiwa. Sika emoddamoddave yeeyo, arive muthu anapaalla waaphoriiha iiphiwe.

Yakobo 4:9

Khallani ni ethakaraka, inllani moomoriha miitthori. Ottheya wanyu otthattuwe winlla, ohakallalla wanyu otthattuwe okhupanya!

Aroma 9:2

kaallotaka wi kookhalla ni ethakaraka ddinchichi, ovoreya wa m'murimani mwaka enthawi ddittheddene

Mateyu 9:15

Yesu ahaakhulla wi, “Ethiyo ttuuworeya wi awiithaniwa o machellello a okwati yinlleke ootthellooyo ari vaavo? Wohiworeya iyaayi! Koma eneerophiya enthawi yawi ootthellooyo aneerokusiwa va yaayo nave eneerohalla ocha.

Yeremiya 9:1

Ddaawerokiddivella murwaaka waariki ehime ya maaddi, miitthwaaka yaariki neetuutu a miitthori, wi kiwinllelleke otthaana ni mahiiyu attheene ayo yakhwille a mutundu wa athwaaka.

Yesaya 66:10

Hakallallani ni Yerusalemu, muthapelle ekaamba ya olliye, nyu attheene ookonda muzindoolla. Nyu attheene muninllella muzindoolla, hakallallani ni olliye moothapella.

Masalimo 43:2

Ddawoona, nyuwaano tti Mulluku woothawellawo waka. Mukitathillelle tini? Ethiyo kinaaweetelleke tini kinllaka ekaamba ya opaniwa ni mudanaaka?”

Masalimo 42:9

Kinnakoha wa Mulluku nlluku naka wi, “Ethiyo Mukitiwallelle tini? Ethiyo kinaaweetelleke tini kinllaka ekaamba ya opaniwa ni mudanaaka?”

Daniele 10:12

Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.