Daniele 10:19 - Mawu a Mulluku

¹⁹ Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Daniele 10:19 ပူးပေါင်းရင်းမြစ်များ

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Oweeruza 6:23

Koma Apwiya yaamulleella wi, “Murendelle okhalle ni weyaano, ohooveke, khokhwa.”

Daniele 9:23

Waambeewe ovekella wawo Mulluku ahaakhulla sika koowa wi kuulleelle waakhullanko vawi olliye annuukondesesa. Ekaamba ya yeella, owiiwesese phaama mawaayo kaatthopoollaka dda ddeko woonilleewe m'masomphenya.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

2 Akorinto 12:9

Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

2 Timoteo 2:1

Nave we mwanaka okhalle oollipa mu echisomo ya Khrisitu Yesu.

Yohane 19:26

Vano Yesu awoonilleeye amennya ni oohuddera oyo aamukondilleeye yiimenlle vaavo, ahaalleella amennya wi, “Mutthiyana, ngoonani, olla tti mwaninyu.”

Yohane 21:20

Petro arukunuwalleeye aamoona oohuddera mmodda olle Yesu aamukondilleeye, aathwaraka. Olliyoolla tti olle akeraatthille vakhuviru ni Yesu vamachellelloni nave amukoha Yesu wi, “Apwiya, ttaani oyo anuuvelleelleni wi mwiiphiwe?”

Yohane 11:36

Sika Ayudaalle yaallota wi, “Ngamooneni, aamukonda wunchichi!”

Yohane 11:5

Vano Yesu aanaakonda Marita ni mwanamunne ni Lazaro.

Yohane 11:3

Vano arokoriyaayo yaamurumiha amithenga wa Yesu, allota wi, “Apwiya, mukhwiinyu ookondiwa animavoriiwa.”

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Hagai 2:4

Komave mi Apwiya Amasiva Mattheene kinallota wi, we Zerubabele ohinatathilla murima, weyaano Yoswa mwaana a Yehozadaki, muullupalli a mullupa mukutho ohitathille murima, nyu attheene muhitathille murima. Virellellani ni mutteko vawi kiri ni nyuwaano.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Zekariya 8:9

Apwiya Amasiva Mattheene enallota wi, “Khallani amasiva. Vano munniiwa mawu a anamallotella ayo yallotiiwa va enthawi yookeraatthiha matthipello a enyumba ya Apwiya Amasiva Mattheene wi emakiwettho.

Daniele 10:18

Vano awooneya wonanko muthoolle aakittannya, akihokollosellattho masiva.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Zekariya 8:13

Nyu mabanja a Yuda ni Israele, khalle mwaari echizindikiro ya matembelelo variyari va mitundu ddimodda dda athu. Koma vano kineerewuuvullusani wi mukhalle echizindikiro ya madaliso. Muhoove, llipani murima.”