Daniele 10:16 - Mawu a Mulluku

¹⁶ Vano mmodda awooneya wonanko muthu aattannya eyanwaaka. Olliye iimenlleve ddiiddo vamiitthoni vaka, kahaamba ollota wi, “Nyu Apwiyaaka, nnddo koonilleemi m'masomphenya ddookihoma murima nave nginna masiva.

Daniele 10:16 ပူးပေါင်းရင်းမြစ်များ

Daniele 8:15

Miyaano Daniele koona ddeko m'masomphenya kaaneesesa wi kiiwesese. Moorurumusa kaamoona mmodda awooneya wonanko muthu, iimenlle vahoollo vaka.

Yesaya 6:7

Nave aakittannya vayanoni ni ninkhallanno allota wi, “Ngoona, koottannya eyanwaawo ni ninkhallanna. Oripihiwa wawo woheellihiwa nave machimwaawo yookhululukiwa.”

Yeremiya 1:9

Vano Apwiya yaattaphurusa nnatta niwa ettannya vayanoni vaka ekilleella wi, “Ngoona, koohiya mawaaka muwano mwawo.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 8:17

Sika Gabriele aawa nko kiimenlle miyaano. Aphiyalle, kahoova nave kahiivokhella vatthi moopopheya ekhove koma olliye aakilleella wi, “We mwaana a muthu wiiwesese wi ddittheddene woonilleewe m'masomphenyannddo ddinallota dda enthawi yoomallihella.”

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Daniele 7:15

Mi Daniele, kaakatamiheya m'maganizoni mwaka nave nnddo koonilleemi m'masomphenya ddaakoopiha.

Yawuupullulla 1:13

nave variyari va ddoohiyavo enyalinnddo vahiimella awooneya wonanko Mwaana a Muthu, awanre mukanjo woophiya m'manyalloni mwaye navettho amakenlle mukhwamba wa golide va ekhakaddaaye.

Yohane 20:28

Tomasi ahaakhulla wi, “Apwiyaaka ni Mullukwaaka!”

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Luka 1:64

Enthawi yeeyo Zakariya aattaphuwa muwano, aamba ollota, vano aamutitimiha Mulluku.

Daniele 12:8

Naari kiiwalle ddenndda komave ngiiweseselle. Sika kaakoha wi, “Nyu Apwiyaaka, ddenndda ddinaamalle mwawiidde?”

Daniele 9:21

Kivekellaka ddiiddo, mungelo Gabriele olle akooneyelle khalle m'masomphenya aawa wa miyaano avavaka mwawaakuva. Ella yaari enthawi yoovelleella mukutho wamisikuwa.

Ezekiele 33:22

Misikuwa olliye ahinawe, kaaphariwa ni masiva a Apwiya. Koma osaka wene, muthooyo aphiyalle, Apwiya yaakihokollosella masiva oollotella.

Ezekiele 3:27

Koma kaawaambaka ollota ni weyaano kineerewuuvaha masiva oollotella. Nave oneerewaalleella wi, ‘Nnddo enallota Apwiya Mulluku tti nndda.’ Oopaalla wiiwa iiwe ookhoota akhoote vawi athwaayo tti oowukila.”

Ezekiele 1:26

Vaddullu valle vaakhalla ello emodda yookhalla wonanko mpando woomwene woopangiwa ni nlluku na safiro. Vaddullu va mpandooyo vaakhalla ello yawooneya wonanko muthu.

Oollalleya 1:18

Vallethi ezeru ddinchichi ddinnamoriha ethakaraka wunchichi vawi muthu aawoonjereraka odduwella annoonjererattho ovoreya.

Oweeruza 13:8

Vano Manowa aavekella wa Apwiya wi, “Nyu Apwiya, Mukaakhullelle wi muthu oyo mwamurumalleenyu awettho, anihuddihe nnddo ninaphwanelleehu omweerella musombwe anaayariwooyo.”

Oweeruza 6:15

Gideoni ahaakhulla wi, “Nyu Apwiya, kinaawore mwawiidde waavullusa Aisraele? Erukullwaahu tti yoofooka wunchichi mu nlloko na Manase nave miyaano tti mung'onong'ono munibanjani mwahu.”

Oweeruza 6:13

Gideoni aamulleella mungelooyo wi, “Pepaani Apwiya, yaarimi Apwiya eri ni hiyaano kaambiiwa tini nndda ddineereyiiwa? Ddiri wuuwi mitteko ddiwa ddittheddene ddoottikhiniha nnddo makhollwaahu yanilleelliiwa ddawi Apwiya yaanikhumiha mu ellapo ya Iguputo? Koma vano aanitathilla enivelleella m'mattani mwa Amidiyani.”

Yoswa 5:14

Muthoolle ahaakhulla wi, “Mi tti oohoollella a mulloko wa akhoto wa Apwiya wuno.” Sika Yoswa ahiimoriha moopopheya vatthi ekhove allota wi, “Apwiya miyaano kiri oorumeyellaanyu. Vano munapaalla keere tini?”

Eksodo 4:13

Koma Mose aallota wi, “Apwiya, koophara mwetwaanyu nave kinuuvekani wi mumurume muthu mmodda.”

Eksodo 4:10

Koma Mose aallota wi, “Apwiya, koophara mwetwaanyu. Miyaano waambeella khalle nginawora ollota phaama naari waambeella mvo mwaambeelleenyu ollota ni miyaano, oorumeyellaanyu. Ata! Nginatthopoolla voollotani.”

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Daniele 8:18

Allotille ddiiddo, miyaano kahiivokhella vatthi moopopheya ekhove kikomowa. Koma olliye aakittannya akiimesattho.