Daniele 10:12 - Mawu a Mulluku

¹² Koma olliye aallota wi, “We Daniele, ohoove vawi ovenyera nllapo nawaamba mvo wahiyalleewe murimaawo va odduwella ni wiiyeviha vamiitthoni va Mullukwaawo, nivekello nawo nahiiweya mwawi kiwiille wi kaakhulle.

Daniele 10:12 ပူးပေါင်းရင်းမြစ်များ

Daniele 10:19

Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Yesaya 58:9

Mwaavekellaka kineerekowiiwani nave mwaakiithanaka kineerekowaakhullani. “Mwattaphulla nigoli, mwahiya orunellana ni ollota ddoonanara dda akhwiinyu,

Mateyu 28:5

Mungeloolle aallota ni atthiyanaalle wi, “Muhoove vawi kinnadduwella wi munamwaasha Yesu oyo aatthomeyiwe vamutandani.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yesaya 35:4

Mwaalleelle a murima wawoova wi, “Llipani murima, muhoove! Ngoonani, Mullukwaanyu animawa wi aahokolloselle ni waallaka adanaanyu, animawa wi uuvulluseni.”

Luka 24:38

Nave allota wi, “Munoovella tini? Munahoowella tini ni makoho m'murimani mwanyu?

Levitiko 16:31

Nenna ninaakhalle nllapo nanyu nawiithuuwa wonanko na Sabata nave muhalle ocha. Nenna nikhalle lamulo nanyu na enthawi yoohimalla.

Levitiko 16:29

“Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Mitteko 27:24

allota wi, ‘Ohoove, Paulo! Onaphwanella wi wiimelle vamiitthoni va Kaisara. Mulluku voowoonihellani oreera murima waye wa weyaano oopaalla wi ohikhwe vamodda ni ayo oriiwena.’

Masalimo 69:10

Kiiyeviheemi voohallani ocha, athu yaakivevulla.

Luka 2:10

Koma mungelooyo aallota wi, “Muhoove! Vawi kiwiille wi kuulleelleni othenga waphaama, oyo onaahakallallihe athu attheene a mu ellapwaanyu.

Luka 1:30

Mungelooyo aallota wi, “Ohoove, Mariya, Mulluku ooweerella echifundo.

Luka 1:13

Koma mungelooyo aallota wi, “Zakariya, ohoove! Mulluku ohiiwa nivekello nawo sika mwaariyo, Elizabeti, aneerewuuyarella mwaana aamullopwana nave oneeromuvaha nnddina nawi Yohane.

Mariko 16:6

Nave aallota wi, “Muhoove vawi kinnadduwella wi munamwaasha Yesu a o Nazareti oyo aatthomeyiwe vamutandani. Yooyo khaamo mmu vawi aavenyihiwa wa ookhwa. Ngoonani, vanipuroni yamuvitthalliiwavo.

Mateyu 28:10

Vano Yesu aallota wa yaayo wi, “Muhoove, khaweni mwaalleelle oohudderaaka wi eye o Galileya nave eneerokoona miyaano wenko.”

Daniele 10:11

Olliye aakilleella wi, “We Daniele, ookondiwesesa, imella wiiwe mawu ayo kinuulleelleemi vawi koorumiwa wa weyaano.” Allotilleeye ddenndda wa miyaano, kahiimella kitthukumellaka.

Numeri 29:7

“Va Nllapo na khumi na mweeri waneetthanu ni piilli yoolla mweereke mutthukumano woopatuleya, muhalleke ocha nave muhiphareke mutteko.