Daniele 1:9 - Mawu a Mulluku

⁹ Nave Mulluku ahoollowiha murima wa enduneeyo wi emweerelle echifundo Daniele.

Daniele 1:9 ပူးပေါင်းရင်းမြစ်များ

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

1 Mamwene 8:50

Mwaakhululukelle machimwiiwa mattheene ni wuuwukilani wiwa. Nave muweerihe wi adaniiwa eweerelleke echifundo.

Nehemiya 2:4

Nave mwene aakikoha wi, “Vano wapaalla okiveke tini?” Sika kaavekella wa Mulluku ooddullu.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Masalimo 4:3

Koma vano mudduwelle wi, Apwiya Ahiipatulella athu oolungama. Apwiya enniiwa kaawiithanaka.

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Yobu 5:15

Koma Mulluku annawaakiha oohoowa o nsupada na adaniiwa, annaavullusa o nnatta niwa namasiva.

Yobu 5:16

Sika annaavaha etiyerello oohoowa, annawalla eyano ya oonanara.

Daniele 1:10

Enduneeyo yaamulleella Daniele wi, “Kinamoova pwiyaaka mwene vawi tti olliye alamulalle dda yoocha ni yoowiryella. Nave awoonani wi munimoonda okhwaranya asombwe akhwiinyu animakiphadda muru.”

Estere 2:9

Estere aamuhakallalliha Hegai sika aamweerella echifundo namwallooyo nave ddeko ddaanamweetella phaama. Sika Hegai aamwinnya mwawaakuva Estere ddawiihella ni yoocha yaayeyaaye. Aamwinnyattho allupa mutteko aatthiyana atthanu ni eelli a o enyumba yoomwene wi emukavihereke. Estere ni allupa muttekwaayaayo yaahiyiwa munipuroni nooreeresesa mu enyumba yaatthiyaneeyo.