Daniele 1:20 - Mawu a Mulluku

²⁰ Enthawi ddittheddene mwene akoha ddeko ddoopaalleya ezeru ni wiiwesesa, aanaphwanya wi alliwa yaanaakhwaranya wunchichi amasenga ni awoombesa a mu omwenaaye ottheene.

Daniele 1:20 ပူးပေါင်းရင်းမြစ်များ

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Yobu 19:3

Munnakinyaambusa wiilliwiilli. Ethiyo khamunawulliwa muru mwaakihoosaka?

Nehemiya 4:12

Vano Ayuda ayo yakhalla vakhuviru ni alliwa yaawa ellota ni hiyaano okhumi wi, “Orive weko alliwa enaakhalliiwawo eneerekowa wi ellipaneke ni hiyaano.”

Numeri 14:22

khaavo naari mmodda oyo anaavollowe mwiillaponimmo. Athu yaalla yahoona ntitimiho ni ezizindikiro nnddo keerilleemi o Iguputo ni muchipululunimmu koma yaakeesa olendo khumi woohiiwellella mawaaka. Mwa ayo yakikhootille khaavo naari mmodda anaavollowe mwiillaponimmo eyo kalonjezilleemi waavaha.

Eksodo 8:7

Koma amasengaalle naalliwattho yaheera ddennddo mwa masengiiwa nave anaphullu yaawa mwiillaponi.

Eksodo 7:22

Koma amasenga a o Iguputwaalle naalliwattho yaheera ddennddo mwa masengiiwa sika wi Farao ahummihave murima. Khaawiiwellelle Mose ni Aroni moollikana ni mmo Apwiya yallotilliiwa.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Genesis 31:7

Koma alliwaayo aakilleka nave aakhalla yaakakhanihaka mallivellwaaka okhumi. Koma Mulluku khaapaallille wi akeerelle ddoonanara.

Daniele 5:17

Koma Daniele aamwaakhulla mwene wi, “Emphaso ddanyu muhallena nyookha apaalle mumuvahe muthu mmodda. Komave miyaano kineeroweerengellani ni wuulleellani ottaphullella wiwa.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Daniele 2:13

Sika lamulo naallalleyiwa wi eezeru attheene a o Babiloni yiiphiwe. Nave yahaamba owaashaasha Daniele vamodda ni akhwaaye wi yiiphiwe.

Masalimo 119:99

Kinniiwesesa waakhwaranya ahuddihaka attheene, vawi kinnaganizera dda malamulwaanyu.

Ezekiele 28:3

Ngoona, we tti eezeru omukhwaranya Daniele, kheyiivo yoovittheya wa weyaano.

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.