Daniele 1:19 - Mawu a Mulluku

¹⁹ Mwene ahaallotiha nave aaphwanya wi khaavo aari wonanko Daniele, Hananiya, Mishaele ni Azariya. Sika alliwa yahaamba orumeyella o enyumba yoomwene.

Daniele 1:19 ပူးပေါင်းရင်းမြစ်များ

Daniele 1:5

Mwene aalamula wi nllapo ni nllapo evahiweke yoocha anacha mwene navettho vinyo anamuwirya mwene. Aalamulattho wi ehuddihiwe wa miyakha miraru nave vatulli viwa erumeyelleke o enyumba yoomwene.

Miyambo 22:29

Ethiyo woomoona muthu eeruso ni muttekwaaye? Olliye aneerewiimella vamiitthoni va mamwene oohikhalla va athu shisha.

Genesis 41:46

Yosefe aari ni miyakha 30 mvo Farao amutthattusalleeye enduna yuullupalli ya Iguputo. Nave Yosefe aatimulla, aamba weetella ellapo ettheene.

Yeremiya 15:19

Sika Apwiya yahaakhulla wi, “Wahokollweella wa mi, kineerowaakhellattho nave oneerokirumeyellattho. Waallotaka ddawoona ohiri ddoohikhalla ni mutteko onaakhalle namallotellaaka. Athu yaalla eneerohokollweella wa weyaano koma we khohokollweella wa alliwa.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Daniele 1:6

Mwa asombwaalla vaakhalla amodda a o Yuda ayo manddiniiwa yaari Daniele, Hananiya, Mishaele ni Azariya.

Daniele 1:7

Koma enduneeyo yahaavaha manddina mamodda monga Daniele nawi Beliteshazara, Hananiya nawi Shadrake, Mishaele nawi Meshaki nave Azariya nawi Abedenego.

Daniele 1:18

Vano enthawi akeraatthihalle mwene yakwakhwanniiwa, enduna yuullupalli yahaavelleella asombwe attheene wa Nebukadinezara.

Daniele 2:13

Sika lamulo naallalleyiwa wi eezeru attheene a o Babiloni yiiphiwe. Nave yahaamba owaashaasha Daniele vamodda ni akhwaaye wi yiiphiwe.

Daniele 3:29

“Vano kinakeraatthiha lamulo nawi arive muthu a orive mutundu ni a erive ellotello amuvevulla Mulluku a Shadrake, Meshaki ni Abedenego aphaddiwephaddiwe nave enyumbaaye ekhalle ntepe. Khaavo mulluku mmodda oowora ovullusa mwawi ddiidda.”

Daniele 1:4

Asombwaalla yaphwanenlle okhalla ooreera, oohirakalla, eeruso va ezeru ddittheddene, oochenjera voodduwellani, oodduwella wiiwesesa ni oowora orumeyella o enyumba yoomwene, Yaahuddihe olemba ni ollota Ebabiloni.