Amosi 9:7 - Mawu a Mulluku

⁷ Apwiya enallota wi, “Nyu Aisraele, ethiyo khamuri wonanko Akushi wa miyaano?” “Ethiyo ngihiyo mi kaakhumihalle Aisraele o Iguputo? Ngihiyo mi kaakhumihalle Afilisti o Kafitori ni Asiriya o Kiri?

Amosi 9:7 ပူးပေါင်းရင်းမြစ်များ

Yeremiya 47:4

Nllapo nineerophiya, nno vinoonongeye Afilisti attheene, nllapo viniiphiwe oohalla attheene ayo enaakavihere mizinda wa Tiro ni Sidoni. Vawi Apwiya eneerowoononga Afilisti, attheene oohalla o echilumba ya Krete.

2 Mamwene 16:9

Sika mwene a o Asiriya aamwiiwellella Ahazi nave aahella ekhoto o Damasiko aakha muzindooyo emwiipha Rezini. Nave ahaaphara athu a muzinda aayaana o Kiri wuukaporoni.

Deuteronomo 2:23

Avimu yakhalla m'mizi ddittheddene ophiya o Gaza koma ellapwiiwa yahaakhiwa ni athu oovenyera o echilumba ya Kafitori ayo yakeraattheye wenko ewoonongille Avimwaayo.)

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.

Amosi 1:5

Kineerewinttaka mikoko ddoollipa ddoowallella millako dda Damasiko. Kineerewaavenyihamo athu ookhalla o ntapo na Aveni navettho oyo anaalamulelleke o Betedeni. Athu a o Siriya eneerophariwa okaporo eneerewaakusella o Kiri.” Mi Apwiya koollota.

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Yeremiya 13:23

Ethiyo Mkushi ttuusintha mooneyello a mwiillaaye apaalle nanthavi mankhaangaaye? Sika wi nyu ooddollweella ochimwanyu ttuuwora mwawiidde weera ddaphaama?

Yesaya 22:6

Akhoto a o Elamu yaawa ewenlle va akavalo, m'mattani mwaari miira ni mipaamba nave akhoto a o Kiri yaari ookhozeka ni ezishango ddiwa.

Yesaya 20:4

Mmu sika aneerelle mwene a o Asiriya vawi aneerewaaphara okaporo Aiguputo ni Akushi, asombwe ni awuulluvalla, aneeroweetiha epwillimwinddi ni oohiwara esapato, marwiiwa eri vaweella. Nndda ddineerewaawulliha muru Aiguputo.

Eksodo 12:51

Sika nllapo nno Apwiya yaakhumihalliiwa Aisraele o Iguputo m'millokoni mwiwa.

Yesaya 43:3

Mi tti Apwiya Mullukwaawo, Aweella a Israele, Oovullusaawo. Kinamvelleella Iguputo voowoopollani weyaano, kinamvelleella Kushi ni Seba munipuroni mwa weyaano.

2 Epilli 14:9

Vano Zera Mukushi aawa wi awane ekhoto ni alliwa ari ni akhoto 1,000,000 ni magareta 300 nave yaaphiya o Maresha.

2 Epilli 14:12

Vano Apwiya yahaagonjiha Akushi vamiitthoni va Asa ni va athu a o Yuda nave Akushaayo yaathawa.