Amosi 9:6 - Mawu a Mulluku

⁶ ennamaka mapurwiiwa ookhallamo oddullu, ennahiyera murapo wonanko eddullu ya ellapo yavatthi, enniithana maaddi a o enyanja wi ewiithelle va ellapo yavatthi, nnddina niwa tti Apwiya.”

Amosi 9:6 ပူးပေါင်းရင်းမြစ်များ

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Masalimo 104:3

moomaka enyumbaanyu vamaaddini amuddullu. Mirapo ddoothamaka ddiri wonanko nigareta nanyu, munneeta vamuuphelloni a ephevo.

Masalimo 104:13

Nyuwaano munnahellella miyaango ni maaddi oovenyera o ezipinda ddanyu ddooddullu, ellapo yavatthi yooddalla ni madaliswaanyu.

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.

Genesis 2:1

Sika ellapo yavatthi ettheene, oddullu ni ddittheddene ddookhalla mwemmo, ddaamalla ophatusiwa.