Amosi 9:5 - Mawu a Mulluku

⁵ “Apwiya Mulluku Amasiva Mattheene yattannya ellapo, ennattotthowa, ddittheddene ddookhalla mwemmo ddininlla, ellapo ettheene ennanyaruwa wonanko muhinje wa Nailo ennawelleella wonanko muhinje wa o Iguputo,

Amosi 9:5 ပူးပေါင်းရင်းမြစ်များ

Amosi 8:8

Ekaamba ya ddittheddenenndda, ellapo yavatthi eneerotikheya, arive muthu ookhallamo aneeromoriwa ethakaraka. Ellapo ettheene yavatthi eneerovidduwa wonanko Nailo, eneeronyaruwa ni owelleella wonanko muhinje wa o Iguputo.”

Masalimo 46:6

Mitundu dda athu ddinnatthukumella wunchichi, moomwene ennatikheya. Mulluku allotaka mookhuwa, ellapo yavatthi ennattotthowa.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yesaya 64:1

Nyu Apwiya, waphaama mwatthanlleke muddullu wi mukitthe vatthi. Miyaango ddaaweerotikheya voowoonani nyuwaano,

Mateyu 7:27

Nave murimu aarupa, mihinje ddaaddalla navettho ephevo yahoopa mwamasiva va enyumbeeyo, sika yaakumuwa. Okumuwanko waari wawoopiha.”

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Masalimo 144:5

Nyu Apwiya, hullani mirapo wi mukitthe ttannyani miyaango wi ddithuwe mwiisi.

Masalimo 32:6

Sika muthu oolungama avekelle wa nyuwaano mu enthawi eyo munaphwanyeyeenyu. Maaddi oosefukella yaphiya, khemuphwanya olliye.

Masalimo 97:5

Miyaango ddinnattotthowa wonanko nimphora vamiitthoni va Apwiya, Apwiya a ellapo yavatthi ettheene.

Masalimo 104:32

Ellapo yavatthi ennatthukumella alliwa yayiweha miyaango ddinnathuwa mwiisi yaddittannya.

Nahumu 1:5

Miyaango ddinnatikheya vamiitthoni vaye, asimiyaango eneerottotthowa. Ellapo yavatthi ennatthukumella vamiitthoni viwa, ellapo ni ddittheddene ddookhalla mwemmo.