Amosi 9:4 - Mawu a Mulluku

⁴ Naari epharelliwe wuukaporoni ni adaniiwa, wenko kineerolamula wi yiiphiwe ni nsupada. Kineerewoonesesa wi athu yaalla kiweerelle ddoonanara ohiri ddaphaama.”

Amosi 9:4 ပူးပေါင်းရင်းမြစ်များ

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Yeremiya 44:11

“Ekaamba ya yeella Apwiya Amasiva Mattheene, Mulluku a Israele, enallota wi, ‘Koosimikiza oweerella ddoonanara ni waatthollosa athu a o Yuda.

Yeremiya 21:10

Koosimikiza oweerella ddoonanara, ohiri ddaphaama muzinda yoolla. Oneerovelleelliwa wa mwene a o Babiloni nave aneerowushellelliha.”

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Ezekiele 5:2

Mallapwaawo awaapheella muzinda yamalla, okuse embali emodda mwa ddiraru ohelle munllo variyari va muzinda. Embali yaneepiilli oyiphaddephadde ni nsupada weetaka mwawaapheella muzinda muttheene. Embali yaneeraru oyimware wiiphevoni nave kineeroyithwara ni nsupada.

Yeremiya 39:16

Khawe wamulleelle Ebedemeleki Mukushi wi Apwiya Amasiva Mattheene, Mulluku a Israele anallota wi, “Ngoonani, ddineereweereya nnddo kallotilleemi dda muzindoolla vawi ddinaakhalle ddoonanara ohiri ddaphaama. Ddineereweereya va enthawiiwa, weyaano woonaka.

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Amosi 9:8

Mi Apwiya Mulluku, miitthwaaka eri va omwene woochimooyo nave kineerowoononga owuvenyiha va ellapo yavatthi koma ngitthollosa nibanja na Yakobo. Mi Apwiya koollota.”

Zekariya 8:10

Vawi ehinaphiye enthawi yeeyo khevaari ollivella wa muthu apaalle enama. Khevaari muthu aweeta mwamurendelle ekaamba ya adani vawi athu attheene kaawoopaniha miru mmodda ni mukhwaaye.

Genesis 44:21

Apwiya, valle mwaanilleella wi, ‘Mwamuweena wuno wi kimoone.’

Eksodo 14:24

Vano ohinase, oyaaka ni osa, Apwiya yaariiwa mu opoto amurapo ni amunllo, enaaweha akhoto a Aiguputo nave enaaweeriha akhotwaayo wi epaneye.

Masalimo 34:17

Athwiiwa yaawinllaka wi yaakavihere, Apwiya enniiwa ni waavullusa mu ddookatamiha ddiwa ddittheddene.

Yeremiya 39:12

“Mukuse, omuwehere phaama nave ohimukatamihe koma omweerelle ddoopaalla ddaye.”