Amosi 9:14 - Mawu a Mulluku

¹⁴ “Kineerewaahokollosellattho athwaaka, Aisraele, o ellapwiiwa, eneeromakattho mizinda m'matepeni wi ekhallekemo, eneerollima emata ddampesa nave eneeromuwirya vinywiiwa, eneerollima emata nave eneerocha ezipaso ddiwa.

Amosi 9:14 ပူးပေါင်းရင်းမြစ်များ

Yesaya 61:4

Eneeromakattho matepe akhalle a muzinda, eneeroddiimesa enyumba ddawoonongeya. Eneeropotokosattho mizinda ddoopasuliwa navettho mapuro oohiyiwa waambeella khalle.

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yeremiya 30:18

Apwiya enallota wi, “Kineerohokollosellattho nibanja na Yakobo o ellapwiiwa, kineerewooniha echikondaaka omapuronaaye mattheene. Muzinda wa Yerusalemu oneeromakiwattho va ntepe nakhalle enyumba yoomwene eneeromakiwattho vanipuroni viwa.

Ezekiele 28:26

Eneerokhalla wenko mwamurendelle nave eneeromaka enyumba ni ollima emata ddampesa. Eneerokhalla wenko mwamurendelle kaawaallakaka athu awaatamanana ayo yaavevulla. Vano eneerodduwella wi mi tti Apwiya Mullukwiiwa.”

Yeremiya 31:28

Wonanko mmo kaweherelleemi phaama otulla, okuha, woononga, okumulla ni weera ddoonanara, emoddamoddavettho kineerowehera phaama omaka ni waalla.

Yesaya 65:21

Athu eneeromaka enyumba ni okhallamo nave eneerollima emata ddampesa.

Masalimo 53:6

Ovullusiwa wa Israele ophiye ovenyera o Ziyoni, Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Ezekiele 39:25

“Vano mi Apwiya Mulluku kinallota wi, ‘Vano a nlloko na Yakobo kineerewaahokollosella vaphaama. Aisraele attheene kineeroweerella echifundo. Kineeroniteteza nnddina naka naweella.

Ezekiele 16:53

“Koma kineeromuhokollosella ddaphaama Sodomu ni mizi ddaye. Kineereweera emoddamoddave yeeyo ni Samariya ni mizi ddaye. Va enthawi yeeyo naweenettho Yerusalemu kineerewuuhokollosella ddaphaama.

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Zefaniya 1:13

Eyuumiiwa eneerewaakhiwa ni adaniiwa, enyumba ddiwa eneeroddikumulla. Eneeromaka enyumba koma khewa ekhallamo. Eneerewaalla emata ddampesa koma khewa emuwirya vinywiiwa.

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Masalimo 107:37

Yaamidda mmiddo m'matani, yaalla mipesa, yaahata ddeko ddinchichi.

Yesaya 60:4

Tukhulla miitthwaawo owehewehe nave woone nnddo ddineereya, attheene ahuutthukumanella. Anaawo aallopwana eneerovenyera woorekama, anaawo aatthiyana eneeroyaariwa otulli.

Yeremiya 12:15

Komave kaavenyihallevo kineeroweerellattho echifundo nave kineerohokollosella orive mutundu o yoohallaniiwa ni o ellapwiiwa.

Yeremiya 23:8

Koma eneereke wi, ‘Va miitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

Yeremiya 24:6

Kineerewoonesesa wi kiweerelle echifundo ni waahokollosella o ellapo ella nave kineerewaamakella vamodda ohiri waakumulla, kineerowaalla ohiri waatulla.

Yeremiya 31:5

Muneerollimattho emata yampesa va miyaango dda Samariya. Oollima eneerewaalla mpesa nave eneerocha ezipaso ddiwa.

Yeremiya 32:15

Apwiya Amasiva Mattheene, Mulluku a Israele, ellotille wi eneerophiya enthawi mvo athu enaakullekiiwa enyumba, emata ni miteekho ddampesa mu ellapo yeella.’ ”

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Yeremiya 33:7

Athu a o Yuda ni a o Israele kineerewaahiya vaphaama ni waahokollosella mmo yakhallelliiwa vawaamba.

Ezekiele 37:21

Vano waalleelle wi mi Apwiya Mulluku kinallota wi, kineerowiithana Aisraele ovenyera omapuroni wiwa a okaporo variyari va athu a mitundu ddimodda. Kineerewaatthukumaniha ovenyera o embali ddisese ddittheddene ni waahokollosella o ellapo yoowaniwa.

Yeremiya 16:15

Koma eneereke wi, ‘Vamiitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Zefaniya 2:7

Wenko oneerokhalla ellapo ya oohalla a mu nibanja na Yuda. Eneerekochiha eziweto ddiwa mukhwipi mwa enyanjeeyo, misikuwa enaakoneke enyumba dda Ashikeloni. Vawi Apwiya Mullukwiiwa eneerewaapwatha, eneerewaahokollosella ddaphaama.