Amosi 9:13 - Mawu a Mulluku

¹³ Apwiya enallota wi, “Enthawi enimawa mvo oohata anaahateeye mwawaakuva awaalla ahinamallihe waalla, oovota mpesa aneerovota mwawaakuva oomidda ahinamallihe omidda mmiddo. M'miyaangoni muneerondonya vinyo ooddiva, aneerekemeetellella va asimiyaango attheene.”

Amosi 9:13 ပူးပေါင်းရင်းမြစ်များ

Yowele 3:18

“Nllaponno naphiya miyaango ddineeromukhumiha vinyo ooddiva, asimiyaango eneereweeta mukaka. Mihinje ddittheddene dda o Yuda ddineeroddalla ni maaddi, neetuutu aneerokhuma mu enyumba ya Apwiya, aneerohellella ntapo na Shitimu.

Yohane 4:35

Khamunallota nyuwaano wi, ‘Vavira miyeri misese enthawi yoohata ennaphiya?’ Nave kinimuulleellani wi, muwehesese m'matani, mmiddo ddoowaraalla khalle wi ddihatiwe!

Yesaya 55:13

Nko vano ori miteekho ddamiiwa oneeromella paini, nko ori kakande oneeromella miteekho ddamuchisu. Ddenndda ddinaakhalle yawuupuwella ya mi Apwiya, wonanko echizindikiro yoohimalla, yoohithiimiheya.”

Levitiko 26:5

Muneerekewuuputha ddeko ophiyera enthawi yoorukulla ezipaso nave muneerekorukulla ezipaso ophiyera enthawi yawaalla. Muneerocha yoocha ophiyera muvonille nave muneerekokhalla mwiillaponaanyu mwamurendelle.

Ezekiele 36:35

Eneerekollota wi ‘Ethaya elle yatthattuwalle ntthalleelle vano yootthattuwa emata wonanko ya Edeni. Vano munnakhalla athu m'mizindani nndde khalle ddaari matepe oohiyiwa ni awoonongeya. Navettho mizindannddo vano ddookhalla ni mipanda ddoollipa.

Yowele 3:20

Koma Yuda aneerokhalliwa wa enthawi yoohimalla, Yerusalemu khawa amalla athu o mibado ddittheddene.

Masalimo 97:5

Miyaango ddinnattotthowa wonanko nimphora vamiitthoni va Apwiya, Apwiya a ellapo yavatthi ettheene.

Oweeruza 5:5

Miyaango ddaatikheya, mwaango wa Sinai waheengereya, vamiitthoni va Apwiya Mulluku a Israele.

Amosi 9:5

“Apwiya Mulluku Amasiva Mattheene yattannya ellapo, ennattotthowa, ddittheddene ddookhalla mwemmo ddininlla, ellapo ettheene ennanyaruwa wonanko muhinje wa Nailo ennawelleella wonanko muhinje wa o Iguputo,

Genesis 49:11

Bulwaaye anamumakellella vamuteekhoni wa mpesa, mwaana a bulu o mpesa waphaama. Ddoowara ddaye anaddichapa mu vinyo, mu vinyo oofiira wonanko nikhame.

Yesaya 16:10

Ohakallalla ni weelliwa murima woohiyiwa o emata dda ethaya yaphaama. Machipo kheniipiwa nave khavirittho mawu ookhuwa mu emata ddampesa. Khaavo anamuwamulla vinyo moovotellamo mpesa nave okhuwa woohakallalla wa enthawi yoohata mpesa woohiyiwa.

Ezekiele 28:26

Eneerokhalla wenko mwamurendelle nave eneeromaka enyumba ni ollima emata ddampesa. Eneerokhalla wenko mwamurendelle kaawaallakaka athu awaatamanana ayo yaavevulla. Vano eneerodduwella wi mi tti Apwiya Mullukwiiwa.”

Yowele 2:24

M'mapuroni moomuuputhellamo tirigu muneeroddalla, moovotellamo mpesa muneerosefukella vinyo ni makhura a olivi.