Amosi 9:11 - Mawu a Mulluku

¹¹ Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Amosi 9:11 ပူးပေါင်းရင်းမြစ်များ

Yesaya 16:5

Vaavo mpando woomwene oneerokeraatthihiwa mwa echikondi yoohisintheya nave mmodda mwa edduullu dda Davide aneerokhallavo moororomelleya. Olliye aneerekeweeruza moolungama ni ollipihella weera ddaphaama.

Masalimo 80:12

Vano kaambiiwa tini mukumullalleenyu mpandaaye wi oovira m'musewuni erukullekena ezipaso ddaye?

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Ezekiele 36:11

Kineerewaaruuwiha athwaanyu owaaka eziweto ddanyu. Aneerewaata nave eneerewaayara anamwani anchichi. Kineeroweerihani wi mukeraattheye wonanko khalle nave kineeroweerellani ddaphaama okhwaranya khalle. Sika muneerodduwella wi mi tti Apwiya.

Ezekiele 17:24

Miteekho ddittheddene dda mwiillaponimmo ddineerodduwella wi tti miyaano kinakhuveyiha miteekho ddoorekama nave kinarekamiha miteekho ddookhuveya. Kinnuumiha miteekho ddikitthi nave kinnaphuwiha miteekho ddawumma. Mi Apwiya koollota ddenndda nave kineeroddeera.’ ”

Maliro 5:21

Nyu Apwiya, nirukunusellenittho wa nyuwaano! Nirukunusellenittho wa nyuwaano wi nihokollweelle mwakhalle.

Yeremiya 46:26

Kineerewaavelleella wa ayo enapaalla ewoononge, sika wi wa Nebukadinezara, mwene a o Babiloni ni oohoollellaaye akhoto. Komave vavira enthawi, Iguputo aneerokhallattho ni athu wonanko khalle. Mi Apwiya koollota.”

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yobu 1:10

Ethiyo nyuwaano khemukhanlle mumutetezaka virive veko, olliyoolle vamodda ni nibanja naye ni ddeko ddaye ddittheddene? Moomudalisa va mitteko ddaye ddittheddene nave eyuumaaye yohaata wunchichi.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yeremiya 30:9

Vano enaarumeyelleke mi Apwiya Mullukwiiwa ni edduullu ya Davide eyo kinaayitthoolleemi.”

Masalimo 143:5

Kinnuupuwella mallapo akhalle, kinnaganizera dda ddittheddene muddeerilleenyu, mitteko dda mattaanyu.

Masalimo 89:40

Mookumulla esiri ddaye ddittheddene, mootthattusa mipanda ddaye ddoollipa matepe.

Numeri 24:18

Ellapo ya Edomu eneerewaakhiwa, mudani Seiri aneerogonjihiwa Koma Israele aneeropambana.

Yesaya 58:12

Athwaanyu eneeromakattho enyumba m'matepeni enthawi yoorekama nave va matthipello akhalle. Sika muneeroromolliwa oopotokosa misewu ni oopotokosa mipanda.”

Yesaya 65:9

Kineerokhumiha edduullu mwa Yakobo ni mwa Yuda nave eneerewaakhella ellapwaaka yamiyaango wi ekhalle yoohallaniiwa. Ddawoona, athwaaka ootthoolliwa eneerewaakhella, oorumeyellaaka eneerokhalla wenko.

Yeremiya 18:9

Emoddamoddave kapaalla waambiha apaalle okeraatthiha mutundu wa athu apaalle omwene

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Mika 7:8

We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Mika 7:11

Ninaakhalle nllapo noomakattho mpandaanyu nave enthawi yeeyo maliraanyu eneerewoonjereriwa.

Zekariya 6:12

Vano omulleelle wi, “Mi Apwiya Amasiva Mattheene kinallota wi muthu kamwaakeemoolle ooromolliwa Enthambi tti yoolla. Aneerophuwa ni wunnuwella ariiyemvo nave aneeromaka enyumbaaka.

Zekariya 12:7

“Apwiya enaambe ovullusa misasa dda Yuda wi eyuuma ettheene ya nibanja na Davide ni ya athu a o Yerusalemu ehikhwaranye ya Yuda.

Zekariya 14:10

Ellapo ettheene eneeromwaramwariwa phaama ovenyera o Geba ophiya o Rimoni, omwera wa Yerusalemu. Koma Yerusalemu aneerowellihiwa va nipuro naye ovenyera o mullako wa Benjamini ophiya o nipuro nko waari Mullako Wawaamba, ophiya o mullako wa Ekona navettho ovenyera o nttattha na Hananele ophiya o nipuro noovotella mpesa wa mwene.