Amosi 9:10 - Mawu a Mulluku

¹⁰ Athwaaka attheene oochimwa eniiphiwe ni nsupada ayo enaalloteke wi, ‘Ollaka khoniphiyera apaalle khanikumanana.’ ”

Amosi 9:10 ပူးပေါင်းရင်းမြစ်များ

Amosi 6:3

Khamunaakhullella ddawi nineerophiya nllapo noollaka koma ddaweera ddanyu ddinimaakuviha enthawi ya echiwawa.

Yesaya 33:14

Athu oochimwa a mu Ziyoni enimoova nave oohipwatha dda Mulluku enimatthukumella. Ennallota wi, “Ethiyo ttaani mwa hi anaawore ovillella ni munllo wawoonongoolla? Ethiyo ttaani mwa hi anaawore okhalla mu munllo woohimalla?”

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Malaki 3:15

Koma nineesa wi athu awiitukhulla sika eri oodala. Athu oochimwa ddeko ddinnaweetella phaama mwawi naari emweesille Mulluku kheyiivo enaamorella.’ ”

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yesaya 56:12

Oolezela awi ddiiddaalla enallota wi, ‘Hankoni nimuwirye vinyo, hankoni niwirye ddoowirya ddoowalli ophiyera nivone. Osiisello onaakhalle wonanko ollello apaalle ttuuriya okhwaranya ollellova.’ ”

Yesaya 5:19

Alliwa enallota wi, “Apwiya yaakuve, ephare muttekwiiwa moohiselliwa wi noone. Nnddo ddinapaalla weera Aweella a Israele ddeereye wi niddidduwelle.”

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

Masalimo 10:11

Oonanara m'murimani mwaye anallota wi, “Mulluku khanapwathawo, ookhuneella owiitthoni, khakoona.”

Ezekiele 20:38

Kineerewuuvenyihellani athu ayo enakiwukila ni okichimwella. Kineerewaakhumiha mu ellapo eyo enakhalliiwamo koma khewa enyingalla mu ellapo ya Israele. Sika muneerodduwella wi mi tti Apwiya.

Yeremiya 23:17

Ennavirellella waalleella athu ookivevulla wi, ‘Muneerokhalla ni murendelle.’ Nave ayo enummellella othwara ddoopaalla dda murimiiwa enaalleella wi, ‘Khamuwa moona yoohoosa.’ ”

Amosi 9:8

Mi Apwiya Mulluku, miitthwaaka eri va omwene woochimooyo nave kineerowoononga owuvenyiha va ellapo yavatthi koma ngitthollosa nibanja na Yakobo. Mi Apwiya koollota.”

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Yeremiya 29:32

Mi Apwiya kineeromullaka Shemaya ni edduullu ddaye. Munibanjani nayenno khaavo muthu oyo anaakhalle variyari va mutundu olla wa athu onoone ddaphaama nnddo kinaaweerelleemi athwaaka kaambiiwa olliye oollalleya ddookiwukila. Mi Apwiya koollota.’ ”

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”