Amosi 8:8 - Mawu a Mulluku

⁸ Ekaamba ya ddittheddenenndda, ellapo yavatthi eneerotikheya, arive muthu ookhallamo aneeromoriwa ethakaraka. Ellapo ettheene yavatthi eneerovidduwa wonanko Nailo, eneeronyaruwa ni owelleella wonanko muhinje wa o Iguputo.”

Amosi 8:8 ပူးပေါင်းရင်းမြစ်များ

Amosi 9:5

“Apwiya Mulluku Amasiva Mattheene yattannya ellapo, ennattotthowa, ddittheddene ddookhalla mwemmo ddininlla, ellapo ettheene ennanyaruwa wonanko muhinje wa Nailo ennawelleella wonanko muhinje wa o Iguputo,

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Yeremiya 46:8

Iguputo sika anawella wonanko Nailo, wonanko muhinje wa maaddi a echigumula. Iguputo anallota wi, ‘Kineerowella ni oyikhupaarella ellapo yavatthi, kineerewoononga mizinda ni athu.’

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Yesaya 5:25

Ekaamba ya yeella Apwiya ahaashella murima nave ahaattaphurusella athwaayo nnatta wi ewiiphe. Miyaango ddootikheya nave mitembo dda athwiiwa ddiri millumillu wonanko ekattha variyari va misewu. Koma naari Mulluku eerille ddennddo, osha murima waye khonamalle vawi nnatta naye nirive noottaphurusa.

Mateyu 24:30

Vano vaavo echizindikiro ya mi, Mwaana a Muthu, eneerewooneya muddullu. Navettho malloko mattheene a athu a va ellapo yavatthimva eneerekewinlla yaakoonaka mi Mwaana a Muthu kiwaaka vamiraponi ddooddullu ni masiva ni ntitimiho nuullupalli.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Yeremiya 12:4

Ethiyo ellapo eninlle ophiyera niini? Nave manasiiwa enaanyaalle ophiyera niini? Kheviri epallame apaalle enama ddoohalla vawi athu ookhallamo tti oonanara, enallota wi, “Mulluku khoona mamallihellwaahu.”

Yeremiya 46:7

Ethiyo ttaani anawella wonanko Nailo, wonanko muhinje wa maaddi a echigumula?

Yeremiya 51:29

Ellapo yavatthi enimatthukumella, enimanyiphireya ekaamba ya ovoreya vawi Apwiya enakwakhwanihella nnddo Apwiya yaganizalliiwa ddoomutthattusa Babiloni echipululu, ellapo yoohikhalla ni athu.

Nahumu 1:8

Koma ni maaddi a echigumula eneerowoononga adaniiwa, ennawiikarihella o nipuro na epiphi.