Amosi 8:5 - Mawu a Mulluku

⁵ muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,

Amosi 8:5 ပူးပေါင်းရင်းမြစ်များ

Hoseya 12:7

Apwiya enallota wi, “Israele tti wonanko ookulliha malonda ookhalla ni yoolingella yoolleka. Annakonda waaherulla athu.

Levitiko 19:36

Milingo ddanyu ddittheddene ddikhalleke ddoolungama. Mi tti Apwiya Mullukwaanyu oyo uukhumihalleni mu ellapo ya Iguputo.

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Miyambo 20:23

Ddoolingella ddoolleka ddinnaananara Apwiya nave esikelo ddawoottha khe ddaphaama.

Miyambo 16:11

Apwiya ennapaalla wi ddoolingella ni esikelo ddikhalle dda echilungamo. Ddoolingella ddittheddene dda mathumba yaapangille tti alliwa.

Miyambo 11:1

Yoolingella yoolleka ennaananara Apwiya koma weechilungamo onnaahakallalliha.

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Malaki 1:13

Ngoonani, munallotattho wi, ‘Ddenndda tti ddootopiha!’ Nave munnanyemulla. Munavelleella enama yawiiya apaalle yoorakalla apaallettho yoovoriiwa. Ethiyo munaganiza wi miyaano ttuuddaakhella ovenyera wa nyuwaano?

Eksodo 31:13

“Alleelle Aisraele wi, ‘Musungeke Sabata, kaambiiwa tti echizindikiro yoohimalla variyari va miyaano ni nyuwaano mu mibado ddanyu ddittheddene, yawooniha wi mi tti Apwiya, ayo kinuupatulani.

1 Samuele 20:5

Davide aamwaakhulla Yonatani wi, “Osiisello tti nllapo na Ehakallallo ya Wooneya wa Mweeri nave kinaphwanella wi kache ni amwene. Koma okaakhullelle wi kiipitthe m'matani ophiyera omuroto misikuwa.

Zekariya 5:6

Kaakoha wi, “Vano ella tti tini?” Olliye aakaakhulla wi, “Olla tti mutaanga woolingella nave oniimellella machimo a ellapo ettheene.

Zekariya 5:8

Mungelo aallota wi, “Mutthiyanoolla aniimellella onanara.” Sika aamukakhella mutthiyanoolle m'mutaangani nave ahokollosella yookhuneella yamuthove vaddullu viwa.

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’