Amosi 8:12 - Mawu a Mulluku

¹² Athu eneerekeweeteeta nngu ni nngu, ovenyera o enyanja emodda oya o enyanja emoddattho, ovenyera ompoto oya wookhuma nndduwa waashaasha mawu a Apwiya koma ohaaphwanya.

Amosi 8:12 ပူးပေါင်းရင်းမြစ်များ

Mateyu 12:30

“Muthu oyo ahiniiwanana ni miyaano, yooyo annakikhoota miyaano; navettho oyo ahinakikavihera waatthukumaniha athu mu omwene wa Mulluku yooyo annaamwaramwasa athu mu omwene wa Mulluku.

Daniele 12:4

“Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Miyambo 14:6

Oovevulla annaashaasha ezeru oohiyiphwanya koma tti yookhweya wa awiiwesesa.

Ezekiele 20:31

Mwaawaaka ni emphaso ddanyu ni waavelleella aniinyu wi ekhalle mukutho wooshellelliha, munniiriipiha voorumeyellani mafanwaanyu manchichi ophiyera ollello. Nyu Aisraele, kinaawaakhullelleni mwawiidde wi muveke ezeru. Mi Apwiya Mulluku kinimallupella wi ngaakhullella wi muveke wa miyaano.

Ezekiele 20:3

“We mwaana a muthu, waalleelle attekweene a o Israele mawu awi ‘Ethiyo muwiille wi muveke ezeru wa miyaano, kinimallupella vamiitthoni vaka wi ngaakhullella ddenndda.’ Mi Apwiya Mulluku koollota.

1 Samuele 3:1

Musomboolle Samuele aanaarumeyella Apwiya moomukavihera Eli. Mallapo yaayo mawu a Apwiya kheyiiweya nave masomphenya kheyooneya wiilliwiilli.

Miyambo 29:18

Nko ohiri ollotella athu khenookollelleya koma oodaliseya tti oyo anasunga malamulo.

Miyambo 1:28

Muneerekokiithana koma ngiwaakhullakani. Muneerekokaashaashesesa koma khamukiphwanyaka

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.