Amosi 8:11 - Mawu a Mulluku

¹¹ Apwiya Mulluku enallota wi, “Enthawi enimawa mvo kinaarumiheemi ettalla mwiillaponimmo. Khekhalla ettalla yoorama buledi apaalle nthona koma ettalla yoorama mawu a Apwiya.

Amosi 8:11 ပူးပေါင်းရင်းမြစ်များ

Masalimo 74:9

Ezizindikiro ddahu ddittheddene ddohoonongeya, khaawo naari namallotella naari mmodda, khaavo naari mmodda variyari vahu oyo anadduwella enthawi ya omalla wa ddenndda.

1 Samuele 3:1

Musomboolle Samuele aanaarumeyella Apwiya moomukavihera Eli. Mallapo yaayo mawu a Apwiya kheyiiweya nave masomphenya kheyooneya wiilliwiilli.

2 Epilli 15:3

Vawi wa enthawi yoorekama Aisraele kheyaarina Mulluku awoona nave kheyaarina mullupa mukutho owaahuddiha navettho kheyaarina malamulo,

1 Samuele 28:6

Sika ahaaveka Apwiya yawi eere koma kheyaamwaakhullalle naari oweella muullohani, mwa allupa mukutho apaalle mwa anamallotella.

Ezekiele 7:26

Otulli oneerothwarana, vineerovuwa epilli yoohimalla. Athu eneerowaashaasha anamallotella wi yaallotelle ddamuhoollo, eneerorama allupa mukutho wi yaahuddihe malamulo nave attekweene kheyaalangizattho.

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Mika 3:6

Wa anamallotella yaalla Apwiya enallota wi, “Ekaamba ya yeella khamuwa moonattho ddeko m'masomphenya, khamuwa mullotellattho. Nyu anamallotella, enthawi yohuumallellani, epiphi yohuumorellani.”

1 Samuele 28:15

Samuele aamukoha Saulo wi, “Kaambiiwa tini onakihooseewe vookikhumihani wi kiwe wuno?” Saulo ahaakhulla wi, “Koopaneya wunchichi vawi Afilisti aawa wi niwaneke nave Mulluku ookillutuwella, khanakaakhulla naari oweella mwa anamallotella apaalle muullohani. Ella sika ekaambiiwa kiwiithanilleemini wi mukilleelle yawi keere.”

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Miyambo 29:18

Nko ohiri ollotella athu khenookollelleya koma oodaliseya tti oyo anasunga malamulo.

Hoseya 2:3

Aaheera ddiiddo kineeromurulla wi akhalle wonanko mmo ayarelliweeye. Kineeromummiha wonanko echipululu, akhalle wonanko ellapo yoohikhalla ni maaddi, aneerokhwa ni nthona.