Amosi 8:10 - Mawu a Mulluku

¹⁰ Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Amosi 8:10 ပူးပေါင်းရင်းမြစ်များ

Yeremiya 6:26

Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Ezekiele 7:18

Eneerowara eziguduli nave eneerewoova. Eneerowulliwa muru nave miru ddiwa eneerochema mpala.

Yeremiya 48:37

Muru wa arive muthu woochemiwa mpala, ereru ddiwattho ddoochemiwa, matta mattheene tti oochekeyachekeya nave muyuununi mwiwa ewanre eziguduli.

Yobu 20:23

Va enthawi yawi avone ni wiichella, Mulluku aneerommorihella owalli wawoopiha, yoochaaye enaakhalle osha murima wa Mulluku.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Nahumu 1:10

Oolezelaalla eneeroshellellihiwa wonanko miiwa ni mapallaka awumma.

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Amosi 5:23

Muhikithiyena owaruni machipwaanyu oonyakulla nginapaalla wiiwa miipello a azezaanyu.

Yobu 3:5

Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

Deuteronomo 16:14

Muhakallalleke wunchichi va nllaponno, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi, alleto, akhwaadduni ni anaamukhwelle ayo enakhalla variyari vanyu.

Genesis 21:16

Olliye akeraatthi vatthi moowehana ni mwaanooyo va mutunda wa mamita 100 kaambiiwa aganiza wi, “Miyaano ngaakhullella omoonellella mwanaka akhwaka mwawi ddiidda.” Akeraatthille ddiiddo, mwaanooyo ahaamba winlla.

Levitiko 13:40

“Muthu achemeya wiikothoni sika wi nenno tti nttari koma muthooyo tti aweellihiwa.

Yesaya 3:24

Munipuroni mwa wunkhella onaakhalle wunkha, munipuroni mwa laamba enaamakelle mukwe, munipuroni mwa meehi oopesa phaama enaakhalle ni mipala, munipuroni mwa madiresi oowallamella mutengo enaaware mathumba nave munipuroni mookotella oreera wiwa eneerowulliwa muru.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Maliro 5:15

Ehakallallo yoopallalleya m'murimani mwahu, wiina wahu wootthattuwa winlla.

Ezekiele 7:2

“We mwaana a muthu, mi Apwiya Mulluku kinalleella ellapo ya Israele wi omalla ori vakhuviru. Omalla woophiya ovenyera o embali ddittheddene ddisese dda ellapo.

Yowele 1:8

Nyu athu, inllani wunchichi, wonanko namwalli awanre echiguduli ekaamba ya okhwa wa musombwe oyo apaalla omutthella.

Amosi 5:21

Apwiya enallota wi, “Kinniitana nave kinnanyaambusa ehakallallo ddanyu, mitthukumano ddanyu ddamallapello nginahakallallana.

Yobu 30:31

Gitalaaka ootthattuwa awinllella maliro, echitolilwaaka enahimaana ni awinlla.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”