Amosi 7:9 - Mawu a Mulluku

⁹ Mapuro oollapellamo a Isaki eneerewoonongiwa, enyumba ddoollapellamo dda Israele ddineerotthattuwa ntepe, kineerowukila nibanja na mwene Yerobowamu ni nsupada.”

Amosi 7:9 ပူးပေါင်းရင်းမြစ်များ

Genesis 46:1

Yakobo aatthukumaniha ddaaye ddittheddene nave aaya o Beeresheba woovelleella mukutho wa Mulluku a attiitthinnya Isaki.

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

Amosi 5:5

Koma muhikaashaashe o Betele, apaalle o Giligala apaalle o Beeresheba vawi Giligala aneerophariwa okaporo, Betele aneerewoonongiwa.”

Amosi 3:14

“Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Yeremiya 51:51

Nyu munallota wi, ‘Ninawulliwa muru ekaamba ya ovevulliwa nko nikumanneehuna. Ekhove ddahu ddoomora ekaamba ya athu eelleto yoovollowa o mapuro oopatuleya o enyumba ya Apwiya.’

Amosi 7:11

“Amosi anallota wi, ‘Yerobowamu aneerokhwa ni nsupada Aisraele eneeropharelliwa wuukaporoni woorekamella ni owaniwa.’ ”

Amosi 7:13

Koma ohiye ollotellattho o Betele vawi tti nipuro noollapellawo mwene navettho tti nipuro noopaalleyesesa na mwiillaponimmu.”

Mika 1:5

Ddittheddenenndda ddineereya ekaamba ya ddoonanara dda Yakobo ni machimo a Israele. Ethiyo ddoonanara dda Yakobo tti ddawiidde? Ethiyo khe dda Samariya? Ethiyo mapuro oollapellamo mafano a Yuda eri wuuwi? Ethiyo kheri mu Yerusalemu?

2 Mamwene 14:24

Olliye aheera ddoonanara vamiitthoni va Apwiya. Khaahiyalle weera machimo mattheene eera Yerobowamu mwaana a Nebati ayo aachimwihalleeyena Aisraele.

Ezekiele 6:3

‘Nyu miyaango dda o Israele, iwani mawu a mi Apwiya Mulluku. Kinuulleellani nyuwaano miyaango ni asimiyaango, mihinje ni matapo wi kineerorumiha ekhoto nave kineerewoononga mapurwaanyu oollapellamo mafano.

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”