Amosi 7:7 - Mawu a Mulluku

⁷ Nndda sika Apwiya yakoonihelliiwa m'masomphenya mamodda. Kaawoona alliwa yiimenlle va esiri yoomakamaka m'mattani mwiwa muri mukwe wookollelliwana esireeyo.

Amosi 7:7 ပူးပေါင်းရင်းမြစ်များ

2 Mamwene 21:13

Kineeromullaka Yerusalemu wonanko mmo kamweerelleemi Samariya ni Ahabu ni nibanja naye. Sika kineeromweelliha Yerusalemu vawaavenyihamoni athwaaye wonanko mmo muthu aneerelleeye ni embale, annayihuwa ayigudumeya.

Yawuupullulla 21:15

Mungelo allotille ni miyaanoolle aakhalla ni mulingo wagolide wi alingelle muzindooyo, millako ddiwa ni esiriiweeyo.

Yawuupullulla 11:1

Vano kaavahiwa epango yawooneya wonanko mulingo nave kaalleelliwa wi, “Khawe nave walinge enyumba ya Mulluku ni nikuwa na mukutho nave waweerenge athu enallapella mpammo.

Ezekiele 40:3

Ekiphiyihalle wenko kaamoona muthu oowala wonanko mukuwa. M'mattani mwaye mwaari mukwe wabafuta ni epango yoolingella nave ahiimella vamullakoni.

Maliro 2:8

Apwiya aasimikiza wi yoononge mipanda dda mwaana aamutthiyana, Ziyoni. Aawulinga ni mukwiiwa nave kheyaawiivanyihalle wi ehaatthollose. Aawinlliha ookhalla vamipandani ni vasirini, attheene enahoowella nimodda.

Yesaya 34:11

Mwiillaponimmo munaakhalle aneekhwaambe, anasiniku, akuukuru ni anakhuku. Apwiya eneeroyitthattusa ellapo yooguga ni yoohikhalla ni ello.

Yesaya 28:17

Echilungamo sika enaakhalle wonanko mukwe woolingella matthipellwaaye nave weella murima onaakhalle wonanko yawookollellaaye. Koma marallalla eneerewoononga ddawoottha nnddo munaddiroromelleenyu nave echigumula eneeropwiniha nipuro nanyu noovulluwellamo.”

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

Genesis 28:13

Nave Apwiya yahiimella vakhwipi ni olliye emulleella wi, “Mi tti Apwiya Mulluku a nikhollo nawo Abrahamu ni attiittho Isaki. Ellapo onakoneewemweella kineerewuuvaha weyaano ni edduullu ddawo.

Amosi 7:6

Vaavo Apwiya yaamoriwa ethakaraka ellota wi, “Ddennddattho khaddiwa ddeereya.”

Amosi 7:8

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mukwe wawookollellana esiri.” Vano Apwiya yaakilleella wi, “Mukwe yoolla kinawuhiya variyari va Aisraele, athwaaka nave ngaamorellattho ethakaraka.

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”