Amosi 7:6 - Mawu a Mulluku

⁶ Vaavo Apwiya yaamoriwa ethakaraka ellota wi, “Ddennddattho khaddiwa ddeereya.”

Amosi 7:6 ပူးပေါင်းရင်းမြစ်များ

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yona 3:10

Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.

Amosi 7:3

Vano Apwiya yaamoriwa ethakaraka ellota wi, “Ddenndda khaddiwa ddeereya.”

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Masalimo 135:14

Vawi Apwiya eneerokamulla wi athwiiwa kheyinna mullatu, eneeroweerella echifundo alliwa.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Oweeruza 2:18

Erive enthawi Apwiya yaatthoollella oweeruza, Apwiyaayo yaanakhalla ni olliyooyo. Nave ooweeruzooyo aanaavullusa Aisraele wa adaniiwa enthawi ettheene yookumaaye. Apwiya yaanaamorella ethakaraka alliwaayo yaakhupanyaka ekaamba ya ayo yaakatamiha ni waanyingallella.

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Yowele 2:13

Ahullani murimaanyu ohiri ddoowara ddanyuve.” Hokollweellani wa Apwiya Mullukwaanyu vawi alliwa tti eechifundo ni ooreera murima, oohisha murima mwawaakuva ni ooddalla ni echikondi yoohisintheya, ni oohiya ollaka.

Amosi 7:7

Nndda sika Apwiya yakoonihelliiwa m'masomphenya mamodda. Kaawoona alliwa yiimenlle va esiri yoomakamaka m'mattani mwiwa muri mukwe wookollelliwana esireeyo.

Eksodo 32:14

Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.

1 Epilli 21:15

Vano Apwiya yaamurumiha mungelo o Yerusalemu wi awoononge. Koma ari vakhuviru owoononga, Apwiya yaamoriwa ethakaraka nave yaamulleella mungelooyo wi, “Wookwakhwana, hokollosa nnatta nawo!” Nave mungelo a Apwiya aari iimenlle va nipuro noomuuputhellavo tirigu na Orinani Muyebusi.

Masalimo 78:38

Koma vawi Mulluku tti eechifundo, ahaakhululukella machimwiiwa, khaawoonongille. Wiilliwiilli aanahokollosa murima woohaanaariwella, khaakhullella wi ashe murima.