Amosi 7:4 - Mawu a Mulluku

⁴ Nndda sika Apwiya Mulluku yakoonihelliiwa m'masomphenya mamodda. Yaakhozekella waallaka athwiiwa ni munllo. Munllooyo wahummiha maaddi oowallamellesesa nave wahaamba woononga ellapo yavatthi.

Amosi 7:4 ပူးပေါင်းရင်းမြစ်များ

Amosi 7:1

Nndda sika Apwiya Mulluku yakoonihelliiwa m'masomphenya. Apwiya yaamupanga nazombe va enthawi eyo mwene atullalleeye manasi nave ephuwellakattho.

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Aheberi 1:7

Koma dda angelo Mulluku allotille wi, “Kinnaweeriha angelwaaka wonanko ephevo, ni oorumeyellaaka wonanko mallumi amunllo.”

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Mika 1:4

Vano miyaango ddineerottotthowa vatthi va olliye wonanko onyoma vamunlloni, ddineneereweetellella mutapo wonanko maaddi a m'mwaangoni.

Amosi 7:7

Nndda sika Apwiya yakoonihelliiwa m'masomphenya mamodda. Kaawoona alliwa yiimenlle va esiri yoomakamaka m'mattani mwiwa muri mukwe wookollelliwana esireeyo.

Amosi 5:6

Waashaasheni Apwiya wi mukhalle ni okumi. Mwaaheera ddiiddo eneerowoosa ni munllo athu a o Israele, oneerewaashellelliha a o Betele oohikhallavo oowuthiimiha.

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Amosi 1:7

Sika kineerorumiha munllo o esiri dda Gaza, munllooyo oneeroshellelliha mipanda ddoollipa ddiwa.

Amosi 1:4

Vano kineerorumiha munllo o enyumba yoomwene Hazaele, munllooyo oneeroshellelliha mipanda ddoollipa dda mwene Benihadadi.

Yowele 2:30

“Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yesaya 27:4

Ngiyinanariwella emataaka yampeseeyo. Miiwa ddoohiyanahiyana ddooneyilleke kaaweerollipanana ni oddoosa munllo moohihiyerera.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Numeri 16:35

Vano vaakhara munllo woovenyera wa Apwiya nave wahaashellelliha athu 250 alle yathuwiha mwiisi lubani.

Levitiko 10:2

Sika Apwiya yaakhariha munllo waashellelliha nave attheene yaakhwa vamiitthoni va Apwiya.

Yowele 1:19

Nyu Apwiya, kinimawinllellani vawi munyepu woosha ni munllo miteekho ddamuhakani ddohaavuwa ekaamba yawi munllo wooddoononga.

Amosi 2:5

Sika kineerorumiha munllo o Yuda, munllooyo oneeroshellelliha mipanda ddoollipa dda Yerusalemu.”

Ezekiele 21:3

Oyilleelle ellapo ya Israele wi Apwiya enallota wi, ‘Kineerollipana ni weyaano. Sika kineerohullulla nsupada naka munigoneloni mwiwa wi kiwiiphe athwaawo, oolungama vamodda ni oonanara.