Amosi 7:15 - Mawu a Mulluku

¹⁵ Apwiya yaarimakikusa ekihiiha muttekwaaka woochiha enkhosa ekilleella wi, ‘Khawe wallotelle wa athwaaka, Aisraele.’

Amosi 7:15 ပူးပေါင်းရင်းမြစ်များ

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

Mateyu 9:9

Yesu aavenyavo vanipuroni valle, vano eetaka, aamoona muthu, nnddina naye Mateyu, akeraatthille mu enyumba yookhomihella misonkho. Aamulleella wi, “Kithware.” Nave Mateyu aavenya anamuthwara.

Yeremiya 1:7

Koma Apwiya yaakaakhulla wi, “Ohillote wi, ‘Mi kiri mwaana.’ Vawi ddawoona, oneeroya wa athu attheene nko kinuurumeemiwo nave oneerollota erive ello kinuulamuleemi.

Mitteko 5:20

“Khaweni mu enyumba ya Mulluku nave mwaalleelle athu dda okumi wanaanweenoolla.”

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

1 Samuele 10:11

Athu ayo yamudduwenlle ovenyera khalle, emonne wi anallotella nimodda ni anamallotella yaakohana wi, “Emweereyelle tti tini mwaana a Kishi? Saulo ttuukhalla mmodda mwa anamallotella?”

Yeremiya 26:12

Vano Yeremiya ahaalleella oohoollella ni athu attheene wi, “Apwiya sika yakirumalle wi killalleye mawu mattheene mwiiwalleenywaalla oollota dda enyumbiiwa ni muzindoolla.

1 Mamwene 19:19

Eliya avenyille wenko, amuphwanyille Elisha mwaana a Shafati allimaka ni eng'ombe piillipiilli nirive nigoli* nave vaari magoli khumi ni meelli nave olliye allima ni nigoli nookomihera. Eliya aaphiya vaari olliye amuvokhella mukanjwaaye.

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”