Amosi 7:14 - Mawu a Mulluku

¹⁴ Amosi aamwaakhulla Amaziya wi, “Mi ngihiyo namallotella naarittho mmodda a m'mulloko wa anamallotella. Mi tti mbusa a enkhosa navettho oollima namukuyu.

Amosi 7:14 ပူးပေါင်းရင်းမြစ်များ

Amosi 1:1

Alla tti mawu a Amosi, mmodda a abusa a enkhosa a o Tekowa, ayo yuupullulliwe oollota dda Israele mu enthawi ya Uziya mwene a o Yuda ni mu enthawi ya Yerobowamu mwene a o Israele, mwaana a Yowashi miyakha miilli ehineereye echivomerezi.

Zekariya 13:5

“Munipuroni mwiwa anaallote wi, ‘Mi ngihiyo namallotella. Mi tti oollima nave kookhalla killimaka waambeella enamwanaaka.’

2 Mamwene 4:38

Nave Elisha aahokollweella o Giligala koma mwiillaponimmo mwaakhalla ettalla. Nllapo nimodda Elisha ahuddihaka mulloko wa anamallotella nave viviralle enthawi, aamulleella a muttekwaaye wi, “Eya ekarikho yuullupalli viikho, owaapeyelle yoocha a m'mulloko wa anamallotellaalla.”

2 Mamwene 2:5

Nave a m'mulloko wa anamallotella a o Yeriko yaakumana ni Elisha emukoha wi, “Ethiyo munnadduwella wi ollello Apwiya eneerewaakusa apwiinyu?” Elisha ahaakhulla wi, “Ee, kinnadduwella, khurumuwani.”

2 Epilli 19:2

Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

2 Mamwene 2:3

Vano a m'mulloko wa anamallotella a o Betele yaakumana ni Elisha emukoha wi, “Ethiyo munnadduwella wi Apwiya eneerewaakusa apwiinyu?” Elisha ahaakhulla wi, “Ee, kinnadduwella, khurumuwani.”

1 Akorinto 1:27

Koma Mulluku aatthoolla nnddo ddiri ddookarangeya vamiitthoni va athu wi aawullihe muru athu eezeru. Aatthoolla nnddo ddiri ddoofooka wa athu wi aawullihe muru athu amasiva.

2 Epilli 20:34

Vano mitteko ddimodda ddittheddene dda Yehoshafati ovenyera vawaamba ophiyera wookomella wiwa ddaalembiwa mu epilli ya Yehu, mwaana a Hanani, eyo eri mu nibukhu na epilli ya mamwene a o Israele.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

2 Mamwene 6:1

Nllapo nimodda athu amodda a m'mulloko wa anamallotella yaamulleella Elisha wi, “Ngoonani, nipuronna ninakumanelleehu nooniyevella wunchichi.

2 Mamwene 2:7

Athu 50 a m'mulloko wa anamallotellaalle yahaathwara nave yahiimella voorekamella vang'ono, Eliya ni Elisha yiimenlle mukhwipi mwa Yordani.

1 Mamwene 20:35

Mwa mawu a Apwiya mmodda mwa anamallotella aamulleella mukhwaaye wi, “Kuukuthe.” Koma olliye aakhoota omuukutha.

1 Samuele 10:11

Athu ayo yamudduwenlle ovenyera khalle, emonne wi anallotella nimodda ni anamallotella yaakohana wi, “Emweereyelle tti tini mwaana a Kishi? Saulo ttuukhalla mmodda mwa anamallotella?”

1 Mamwene 19:19

Eliya avenyille wenko, amuphwanyille Elisha mwaana a Shafati allimaka ni eng'ombe piillipiilli nirive nigoli* nave vaari magoli khumi ni meelli nave olliye allima ni nigoli nookomihera. Eliya aaphiya vaari olliye amuvokhella mukanjwaaye.

2 Mamwene 2:15

Mulloko wa anamallotella a o Yeriko yamoonilliiwa Elisha allapuwaka yaallota wi, “Munepa wa Eliya ori mwa Elisha.” Vano yaawa ekumanana ekokhora vamiitthoni vaye.

Yobu 30:4

Yaanakota erive makukhu, yaanacha misisi dda muteekho wa namushelloshello.

Amosi 3:8

Ethiyo mukango wathuruma ttaani ahinoova? Ethiyo Apwiya Mulluku yallota, ttaani ahinaallotelle?”