Amosi 7:10 - Mawu a Mulluku

¹⁰ O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Amosi 7:10 ပူးပေါင်းရင်းမြစ်များ

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

1 Mamwene 13:33

Naari ddaari ddiiddo, mwene Yerobowamu a o Israele khaahiyalle weera ddoonanara koma aavirellella waatthoolla athu shisha monga allupa mukutho mapurwaaye amallapello. Aanamuzoza arive muthu apaalla okhalla mullupa mukutho.

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Mitteko 5:28

Aallota wi, “Valle nahuuhiihani wi muhihuddihe wiilli muromollaka nnddina na muthu yoolla koma moovuwiha ehuddihwaanywiilla mu Yerusalemu mutthewene nave munapaalla muniphwanyelle mullatu wawi tti hiyaano namwiiphalle!”

Luka 23:2

Wenko yahaamba omuhumullulla wi oochimwa voollotani wi, “Naamphwanya aweerihaka athu a mutundwaahu wi ewukile nave aahiihaka okhoma musonkho wa Kaisara.* Nave aniiromolla yeekha wi tti Mesiya,* mwene.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

1 Mamwene 18:17

Sika Ahabu amoonilleeye Eliya aallota wi, “We oomuhoosa Israele, ethiyo woophiya?”

Genesis 37:8

Nave asinne yaamukoha wi, “Ethiyo onaganiza wi weyaano ttuukhalla mwene nave ttuunilamulella hiyaano?” Sika vano yaamwiita wunchichi okhwaranya khalle ekaamba ya ddoolloha ni ddoollota ddayennddo.

Yeremiya 36:16

Yiiwalle nnddo eerengilleeye, yahaamba owehana mootthukumella ni woova. Vano aamulleella Baruki wi, “Ninaphwanella omulleella mwene mawu mattheenaalla.

Amosi 1:1

Alla tti mawu a Amosi, mmodda a abusa a enkhosa a o Tekowa, ayo yuupullulliwe oollota dda Israele mu enthawi ya Uziya mwene a o Yuda ni mu enthawi ya Yerobowamu mwene a o Israele, mwaana a Yowashi miyakha miilli ehineereye echivomerezi.

Amosi 3:14

“Nllapo kinaamullakeemi Israele ekaamba ya machimwaaye, kineerokumulla makuwa a Betele, manyakiiwa eneerokothowa ni omorella vatthi.

Amosi 5:5

Koma muhikaashaashe o Betele, apaalle o Giligala apaalle o Beeresheba vawi Giligala aneerophariwa okaporo, Betele aneerewoonongiwa.”

Amosi 7:11

“Amosi anallota wi, ‘Yerobowamu aneerokhwa ni nsupada Aisraele eneeropharelliwa wuukaporoni woorekamella ni owaniwa.’ ”

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,